ຂ່າວສານ
ໃນວັນທີ 14 ທັນວາ 2022, ການເເຂ່ງຂັນສານຈໍາລອງຂອງຄະນະກໍາມາທິການກາແດງສາກົນ ວ່າດ້ວຍກົດໝາຍມະນຸດສະທຳສາກົນລະດັບຊາດໄດ້ໄຂຂຶ້ນ ທີ່ຄະນະນິຕິສາດ ແລະ ລັດຖະສາດ, (ຄນລ) ພິເສດໃນປີນີ້ການແຂ່ງຂັນ ແມ່ນໄດ້ຮັບການສະໜັບສະໜູນຈາກມະຫາວິທະຍາໄລລຸກຊຳບວກ.
ໃນການແຂ່ງຂັນປີນີ້, ທີມຜູ້ແຂ່ງຂັນ 3 ທີມ ແມ່ນໄດ້ແຂ່ງຂັນກັນວ່າຄວາມ ໂດຍປ່ຽນກັນສວມບົດບາດເປັນຝ່າຍໄອຍະການ ແລະ ຝ່າຍຈຳເລີຍເພື່ອໂຕແຍ່ງກັນ. ເຊັ່ນດຽວກັນກັບຫຼາຍໆປິທີິ່ຜ່ານມາການແຂ່ງຂັນໃນການວ່າຄວາມຄະດີຈຳລອງ ແມ່ນທີມຜູ້ເຂົ້າແຂ່ງຂັນໄດ້ຈຳລອງການວ່າຄວາມຕໍ່ໜ້າສານອາຍາສາກົນ (ICC). ບັນດາກຳມະການຕັດສິນສຳລັບການແຂ່ງຂັນສານຈຳລອງຮອບລະດັບປະເທດໃນປີນີ້ ແມ່ນໃຫ້ກຽດຮ່ວມໂດຍ ດຣ. ປະພາວາດີ ທາໂນດົມເດດ (ອາຈານມາຈາກມະຫາວິທະຍາໄລຈຸລາລົງກອນ), ທ່ານ ນາງ ໂຊເຟຍ ຄາສັນ ຈາກມູນນິທິອາຊີ (ຫົວໜ້າໂຄງການ ໂຄງການຊ່ວຍເຫຼືອທາງກົດໝາຍໃນລາວ) ແລະ ທ່ານ ພັນທະສັກ ມິງນະຄອນ (ອາຈານມາຈາກ ຄະນະນິຕິສາດ ແລະ ລັດຖະສາດ, ມຊ).
ໂດຍສະເພາະປີນີ້, ການແຂ່ງຂັນໃນຮອບລະດັບຊາດແມ່ນໄດ້ຮັບການສະໜັບສະໜຸນທາງດ້ານທຶນຮອນ ແລະ ທາງດ້ານວິຊາການ ຈາກມະຫາວິທະຍາໄລລຸກຊໍາບວກ ເນື່ອງຈາກຄະນະກຳມາທິການກຳແດງສາກົນປະຈຳລາວ ແມ່ນໄດ້ປະເຊີນກັບບັນຫາການຂາດແຄນພະນັກງານ. ຜູ້ເຂົ້າຮ່ວມແຂ່ງຂັນທຸກຄົນທຸກຄົນໄດ້ຮັບການຝຶກອົບຮົມໃຫ້ໂດຍ ດຣ.ເພີຣີນ ຊິມອນ (ຜູ້ປະສານງານໂຄງການຂອງມະະຫາວິທະຍາໄລ ລຸກຊໍາບວກ ປະຈໍາການຢູ່ນະຄອນຫຼວງວຽງຈັນ) ແລະ ດຣ. ລໍເຣັ້ນ ຊີລີ ເຊິ່ງທັງສອງທ່ານແມ່ນໄດ້ໃຫ້ການຝຶກອົບຮັບກັບຜູ້ເຂົ້າຮ່ວມຢ່າງເຂັ້ມຂຸ້ນເປັນໄລຍະເວລາໜຶ່ງອາທິດໃນເດືອນຕຸລາ 2022 ທີ່ຜ່ານມາ. ຜູ້ເຂົ້າຮ່ວມຝຶກອົບຮົມຄັ້ງນີ້ແມ່ນຜູ້ເຂົ້າຮ່ວມຊຸດທໍາອິດ ໃນການຝຶກອົບຮົມແບບເຊິງໜ້າ ຫຼັງຈາການແຜ່ລະບາດຂອງພະຍາດໂຄວິດ-19 ແລະ ພວກເຮົາຫວັງວ່າໃນປີຕໍ່ໆໄປຈະມີທີມທີ່ເຂົ້າຮ່ວມໃນການແຂ່ງຂັນເພີ່ມຂຶ້ນ ເພື່ອເປັນການສົ່ງເສີມການແຂ່ງຂັນສານຈໍາລອງຂອງພາກພື້ນ ອາຊີ-ປາຊີຟິກ.
ການແຂ່ງຂັນສານຈຳລອງກ່ຽວກັບກົດໝາຍມະນຸດສະທໍາສາກົນແມ່ນ ເປັນການກະຕຸ້ນການຄິດວິເຄາະໂດຍໃຊ້ກົດໝາຍຢ່າງມີເຫດມີມີຜົນ ແລະ ຊ່ວຍໃຫ້ເຮົາຮຽນຮູ້ທີ່ຈະຫາຈຸດຢືນຂອງຕົນເອງ. ນັກສຶກສາຍັງໄດ້ມີໂອກາດພັດທະນາທັກສະການນຳສະເໜີ, ການໂຕ້ວາທີ ແລະ ທັກສະພາສາອັງກິດອີກດ້ວຍ! ຫຼັງຈາກທີ່ຕ້ອງແຂ່ງຂັນການແບບອອນລາຍມາຫຼາຍປີ ໃນທີ່ສຸດ ທີມທີ່ຊະນະການແຂ່ງຂັນໃນປິນີ້ຈະໄດ້ເດີນທາງໄປ ຮົງກົງ ໃນເດືອນ ມີນາ 2023.
ພວກເຮົາຂໍສະແດງຄວາມຍິນດີກັບທຸກໆທີມທີ່ເຂົ້າແຂ່ງ ໂດຍສະເພາະທີມທີ່ຊະນະເລີດ ທ. ອຳພົນ ຄໍາມະນີວົງ, ນ.ລັດດາພອນ ສໍພາບມີໄຊ ແລະ ນ. ສຸມາລີ ສີສຸທຳມະມຸນີ ເຊິ່ງຈະເຂົ້າຮ່ວມເປັນຕົວແທນໃຫ້ ຄະນະນິຕິສາດ ແລະ ລັດຖະສາດ ໃນການແຂ່ງຂັນຮອບສາກົນຢູ່ຮົງກົງ!
ຂ່າວສານ
ພາຍໃຕ້ຂົງເຂດການເຮັດວຽກຂອງໂຄງການຮ່ວມມືລະຫວ່າງມະຫາວິທະຍາໄລລາວ-ລຸກຊຳບວກ, ການພັດທະນາຫໍສະໝຸດຂອງ ຄະນະນິຕິສາດ ແລະ ລັດຖະສາດ (ຄນລ) ຂອງມະຫາວິທະຍາໄໄລແຫ່ງຊາດ (ມຊ) ແມ່ນໄດ້ຮັບຄວາມສຳຄັນຄຽງຄູ່ກັບການພັດທະນາທາງການຄົ້ນຄ້ວາວິໄຈ.
ໃນວັນທີ 9 ທັນວາ, ພິທີມອບຮັບປຶ້ມ “ວິທີການຄົ້ນຄວ້າວິທະຍາສາດທາງດ້ານກົດໝາຍ” ໄດ້ຈັດຂຶ້ນຢູ່ທີ່ຄະນະນິຕິສາດ ແລະ ລັດຖະສາດ (ຄນລ) ພິທີມອບຮັບດັ່ງກ່າວໄດ້ໃຫ້ກຽດເຂົ້າຮ່ວມໂດຍ ຮ.ສ. ວຽງວິໄລ ທ່ຽງຈັນໄຊ (ຄະນະບໍດີ ຄະນະນິຕິສາດ ແລະ ລັດຖະສາດ), ດຣ ສົມເດດ ແກ້ວວົງສັກ, ທ່ານ ບຸນຄົງ ເພັດດາວຮຸ່ງ, ທ່ານ ນາງ ທັດສະນາລອນ ສີສຸນົນ (ຮອງອະທິການບໍດີ ຄະນະນິຕິສາດ ແລະ ລັດຖະສາດ), ດຣ ໂລນ ລິນຮູດ ( ຫົວໜ້າທີ່ປຶກສາທາງດ້ານວິຊາການຂອງໂຄງການ ລາວ/ 031) ແລະ ດຣ ເພີຣິນ ສີມອນ (ຜູ້ປະສານງານໂຄງການຮ່ວມມືມະຫາວິທະຍາໄລລາວ-ລຸກຊໍາບວກ), ພ້ອມນັ້ນກໍຍັງມີອາຈານທ່ານອື່ນໆກໍໃຫ້ກຽດເຂົ້າຮ່ວມ. ປຶ້ມຄູ່ມືຫຼາຍກ່ວາ 1000ຫົວ ເຊິ່ງໃນນັ້ນລວມມີທັງພາສາລາວ ແລະ ພາສາອັງກິດແມ່ນໄດ້ຖືກມອບໃຫ້ຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ.
ຄູ່ມືແນະນຳກ່ຽວກັບວິທີການຄົ້ນຄວ້າວິທະຍາສາດທາງດ້ານກົດໝາຍ ແມ່ນໄດ້ຮັບການຮ່າງຂຶ້ນຮ່ວມກັນລະຫວ່າງບັນດາອາຈານຈາກຄະນະນິຕິສາດ ແລະ ລັດຖະສາດ ພ້ອມກັນກັບການຊ່ວຍເຫຼືອທາງດ້ານວິຊາການຈາກມະຫາວິທະຍາໄລລຸກຊໍາບວກ ໂດຍ ຜູ້ຊ່ວຍຜູ້ປະສານງານຂອງໂຄງການ ປ.ອ ເພີຣິນ ສີມອນ ພາຍໃຕ້ຂົງເຂດການເຮັດວຽກຂອງໂຄງການຮ່ວມມືລະຫວ່າງມະຫາວິທະຍາໄລລາວ-ລຸກຊຳບວກ ແລະ ພ້ອມກັບການສະໜັບໜູນທາງດ້ານທຶນຮອນຈາກ ໂຄງການ ລາວ/031.
ຈຸດປະສົງຂອງການພັດທະນາ ແລະ ການຈັດພິມປຶ້ມກ່ຽວກັບວິທີການຄົ້ນຄວ້າດັ່ງກ່າວນີ້ແມ່ນເພື່ອຕອບສະໜອງໃຫ້ຄູອາຈານ ແລະ ນັກຮຽນນັກສຶກສາພາຍໃນຄະນະນິຕິສາດ ແລະ ລັດຖະສາດ ໄດ້ເຂົ້າໃຈຢ່າງເລິກເຊີງກ່ຽວກັບວິທີການຄົ້ນຄວ້າວິທະຍາສາດທາງດ້ານກົດໝາຍ. ການຈັດພິມປຶ້ມດັ່ງກ່າວຖືເປັນບາດກ້າວທີ່ສໍາຄັນໃນການພັດທະນາທັກສະ ແລະ ສ້າງຄວາມເຂັ້ມແຂງໃນດ້ານການສຶກສາຄົ້ນຄວ້າທາງດ້ານກົດໝາຍໃຫ້ແກ່ທັງນັກສຶກສາ ແລະ ຄູອາຈານ.
ທ່ານຕ້ອງການເຂົ້າເຖິງຄູ່ມືແນະນຳກ່ຽວກັບວິທີການຄົ້ນຄວ້າວິທະຍາສາດທາງດ້ານກົດໝາຍບໍ່? ຄຼິກເລີຍ
ຂ່າວສານ
ໃນຂົງເຂດການເຮັດວຽກຂອງໂຄງການຮ່ວມມືລະຫວ່າງມະຫາວິທະຍາໄລລາວ-ລຸກຊຳບວກ, ມະຫາວິທະຍາໄລລຸກຊຳບວກໄດ້ໃຫ້ການສະໜັບສະໜຸນການຝຶກອົບຮົມໃຫ້ແກ່ນັກສຶກສາເພື່ອເຂົ້າຮ່ວມການແຂ່ງຂັນສານຈຳລອງກົດໝາຍມະນຸດສະທຳສາກົນຂອງອົງການການກາແດງສາກົນຕັ້ງແຕ່ປີ 2016.
ການຝຶກອົບຮົມສານຈຳລອງໃນປີນີ້ຖືກຈັດຂຶ້ນເປັນເວລາ ໜຶ່ງອາທິດ ຕັ້ງແຕ່ວັນທີ 24-28 ຕຸລາ 2022 ທີ່ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດລາວ. ພາຍຫຼັງການຫຼຸດຜ່ອນມາດຕະຖານປ້ອງການການແຜ່ລະບາດຂອງພະຍາດໂຄວິດ-19 ຈຶ່ງເຮັດໃຫ້ຜູ້ເຂົ້າຮ່ວມສາມາດເຂົ້າຮ່ວມການຝຶກອົບຮົມແບບເຊິ່ງໜ້າໄດ້.
ທ່ານ ປອ. ລໍເລັນ ຊິຣີ (Dr. Lawrence Siry), ຜູ້ທີ່ໄດ້ມີສ່ວນຮ່ວມໃນການຝຶກອົບຮົມສານຈຳລອງຕັ້ງແຕ່ 3 ປີກ່ອນ, ໄດ້ມາຝຶກອົບຮົມໃຫ້ແກ່ນັກສຶກສາ ຄນລ ຈຳນວນ 10-15 ຄົນ ເປັນເວລາ 1 ອາທິດ ເຊິ່ງແນໃສ່ການກຽມຄວາມພ້ອມໃນການແຂ່ງຂັນສານຈຳລອງກົດໝາຍມະນຸດສະທຳສາກົນລະດັບປະເທດ. ໃນວັນທີ 14 ເດືອນທັນວາ 2022 ທີ່ຈະມາເຖິງນີ້. ການຝຶກອົບຮົມແມ່ນແນໃສ່ວິທີການໃນການເວົ້າດຶງດູດ/ໂນ້ມນ້າວຈິດໃຈຜູ້ພິພາກສາ ແລະ ນຳສະເໜີຂໍ້ໂຕ້ແຍ່ງຢ່າງມີເຫດມີຜົນ. ນັກສຶກສາຍັງໄດ້ຮຽນຮູ້ລົງເລິກເຖິງກົດໝາຍມະນຸດສະທຳສາກົນ ແລະ ກົດໝາຍອາຍາສາກົນ, ເຊັ່ນດຽວກັນກັບການນຳມາປັບເຂົ້າກັບໂຈດການແຂ່ງກັນຂອງປີນີ້ເຊິ່ງກ່ຽວຂ້ອງກັບຄວາມເສຍຫາຍທາງສິ່ງແວດລ້ອມ.
ມື້ທຳອິດຂອງການຝຶກອົບຮົມໄດ້ເນັ້ນໃສ່ການທຳຄວາມຮູ້ຈັກຜູ້ເຂົ້າຮ່ວມ ແລະ ການແນະນຳເບື້ອງຕົ້ນກ່ຽວກັບປະຫວັດຄວາມເປັນມາຂອງສານອາຍາສາກົນ ຫຼື ICC ແລະ ອົງການກາແດງສາກົນ ຫຼື ICRC.
ໃນມື້ທີສອງ, ການຝຶກອົບຮົມໄດ້ສຸມໃສ່ການສອນກ່ຽວກັບຂະບວນການທາງກົດໝາຍຂອງສານ ICC ແລະ ວິທີການທີ່ ICC ຈັດການກັບຄະດີຕ່າງໆ.
ໃນມື້ທີສາມ, ຜູ້ເຂົ້າຮ່ວມໄດ້ຝຶກອົບຮົມກ່ຽວກັບການຊອກຫາຫຼັກຖານ ຫຼື ເອກະສານອ້າງອີງເພື່ອມາສະໜັບສະໜຸນຂໍ້ໂຕ້ແຍ່ງຂອງພວກເຂົາ, ລວມໄປເຖິງໄດ້ຝຶກອົບຮົມໃນການນຳໃຊ້ທຳມະນູນໂຣມຂອງສານ ICC, ກົດບັດຂອງອົງການສະຫະປະຊາຊາດ, ອະນຸສັນຍາເຈນີວາ ແລະ ບັນດາພິທີສານເພີ່ມຕື່ມ.
ໃນມື້ທີສີ່ແມ່ນເນັ້ນໜັກໃສ່ການວິເຄາະໂຈດການແຂ່ງຂັນໃນມື້ນີ້, ໂດຍທີ່ໃຫ້ຜູ້ເຂົ້າຮ່ວມເຮັດວຽກເປັນກຸ່ມ ແລະ ຄິດຂໍ້ໂຕ້ແຍ່ງທາງກົດໝາຍຂຶ້ນມາ ເພື່ອແນໃສ່ການກຽມໂຕໃນການຂຽນຄຳຮ້ອງຟ້ອງ ແລະ ຄຳແກ້ຟ້ອງຂອງພວກເຂົາ.
ໃນມື້ສຸດທ້າຍຂອງການຝຶກອົບຮົມ, ຜູ້ເຂົ້າຮ່ວມທຸກຄົນໄດ້ມີໂອກາດໃນການສະແດງທັກສະໃນການຂຶ້ນກ່າວຟ້ອງ ແລະ ແກ້ຟ້ອງ ໂດຍນຳໃຊ້ບົດຮຽນທີ່ໄດ້ຮຽນຮູ້ໃນສີ່ມື້ທີ່ຜ່ານມາ ແລະ ພວກເຮົາສາມາດສັງເກດໄດ້ເຖິງພັດທະນາການຂອງຜູ້ເຂົ້າຮ່ວມທຸກຄົນ!
ການແຂ່ງຂັນສານຈຳລອງ ເປັນກິດຈະກຳນອກຫຼັກສູດທີ່ບໍ່ພຽງແຕ່ເປັນການຮຽນຮູ້ຈາກການແກ້ບັນຫາເທົ່ານັ້ນ ແຕ່ຍັງເປັນກິດຈະກຳທີ່ເສີມສ້າງການສອນຈາກການປະຕິບັດຕົວຈິງອີກດ້ວຍ. ຜ່ານການເຂົ້າຮ່ວມສານຈຳລອງ ນັກສຶກສາຈະໄດ້ພັດທະນາທັກສະທາງກົດໝາຍ, ການໂຕ້ວາທີ ແລະ ພາສາອັງກິດພ້ອມ!. ນັກສຶກສາທຸກໆຄົນທີ່ເຂົ້າການຝຶກອົບຮົມກໍຍັງໄດ້ຮັບໃບຢັ້ງຢືນການເຂົ້າຮ່ວມອີກດ້ວຍ.
ຂ່າວສານ
ໂຄງການຮ່ວມມືລະຫວ່າງມະຫາວິທະຍາໄລ ລາວ-ລຸກຊຳບວກໄດ້ຈັດງານ ໂຮງຮຽນລະດູໜາວ ເຊິ່ງຈັດຂຶ້ນເປັນຄັ້ງທີ 4 ລະຫວ່າງວັນທີ 18-21 ຕຸລາ 2022 ໂຄງການຮ່ວມມືລະຫວ່າງມະຫາວິທະຍາໄລໄດ້ຈັດໂຮງຮຽນກົດໝາຍລະດູແລ້ງ ໃນລະຫວ່າງວັນທີ 18-20 ພຶດສະພາ 2022 ທີ່ວັງວຽງ. ຜູ້ສະຫມັກ 16 ທ່ານໄດ້ຖືກຄັດເລືອກໂດຍອີງຕາມຄວາມສົນໃຈໃນການປັບປຸງຄວາມຮູ້ທາງດ້ານກົດຫມາຍ ຂອງພວກເຂົາ ໃນການສໍາມະນາແບບເລັ່ງລັດເປັນເວລາ 3 ມື້. ການສຳມະນາຄັ້ງນີ້ ປະກອບມີອາຈານສອນກົດໝາຍຈາກຄະນະນິຕິສາດ ແລະ ລັດຖະສາດ 13 ທ່ານ, ແລະ ນັກວິຊາການ 3 ທ່ານ (ອາດີດຜູ້ພິພາກສາ 1 ທ່ານ , ທະນາຍຄວາມ 1 ທ່ານ ແລະ ພະນັກງານກົດໝາຍ 1 ທ່ານ).
ໂຮງຮຽນກົດຫມາຍລະດູໜາວ ໄດ້ລົງເລິກ “ຫຼັກການຂອງລັດແຫ່ງກົດຫມາຍ”, ໂດຍສະເພາະກັບຫຼັກການຄວາມຖືກຕ້ອງຂອງກົດໝາຍ (Legality), ທີ່ມີຄວາມກ່ຽວຂ້ອງທີ່ສຸດສໍາລັບການຕີຄວາມ ແລະ ປະຕິບັດກົດຫມາຍ. ໂຮງຮຽນລະດູໜາວໃນຄັ້ງນີ້ ພວກເຮົາໄດ້ສຸມໃສ່ບັນດາຫຼັກການທາງກົດໝາຍ ເຊັ່ນ: ຫຼັກການສົມມາພາຄວນ, ການຕັດສິນທີ່ເປັນທຳ ແລະ ສິດຕໍ່ຊັບສິນ. ເຊິ່ງໄດ້ຖືກສອນເປັນພາສາອັງກິດໂດຍ ສາສະດາອາຈານ Stefan Braum (ຈາກມະຫາວິທະຍາໄລລຸກຊຳບວກ ແລະ ທ່ານ Andrii HUBAI (ນັກສຶກສາປະລິນຍາເອກຈາກມະຫາໄລລຸກຊຳບວກ), ທ່ານ ນາງ Melina ANASTASOPOULOU, (ນັກສຶກສາປະລິນຍາເອກຈາກມະຫາໄລລຸກຊຳບວກ), ທ່ານ ນາງ Anna MORAITI (ນັກສຶກສາປະລິນຍາເອກຈາກມະຫາໄລລຸກຊຳບວກ) ແລະ ດຣ. Perrine Simon (ຜູ້ປະສານງານໂຄງການຂອງມະຫາວິທະຍາໄລລຸກຊຳບວກ ປະຈຳລາວ).
ໂຮງຮຽນກົດໝາຍລະດູໜາວນີ້ ມີຈຸດປະສົງເພື່ອໃຫ້ຜູ້ເຂົ້າຮ່ວມມີຄວາມຮູ້ທາງດ້ານທິດສະດີ ແລະ ພາກປະຕິບັດຕົວຈິງ ລວມເຖິງການສ້າງການສົນທະນາແລກປ່ຽນກ່ຽວກັບລັດແຫ່ງກົດໝາຍພາຍໃນຜູ້ເຂົ້າຮ່ວມ. ໃນແຕ່ລະວາລະ ໄດ້ປະກອບມີພາກປະຕິບັດຕົວຈິງ ທີ່ໄດ້ເຊື່ອມໂຍງທິດສະດີກັບສົມມຸດຖານບັນຫາທາງກົດຫມາຍ. ນອກຈາກນີ້ຍັງມີຜູ້ເຂົ້າຮ່ວມທີ່ຖືກຄັດເລືອກໃຫ້ອອກມານຳສະເໜີກ່ຽວກັບຄວາມເຂົ້າໃຈໃນບັນດາຫຼັກການຕ່າງໆຂອງລັດແຫ່ງລັດໝາຍ ເຊັ່ນ ຫຼັກການຄວາມຖືກຕ້ອງຂອງກົດໝາຍ ແລະ ຫຼັກການຄວາມສົມມາພາຄວນໃນບໍລິບົດຂອງກົດໝາຍລາວ, ນອກຈາກນີ້ ຜູ້ເຂົ້າຮ່ວມຈຳນວນໜຶ່ງກໍຍັງໄດ້ປະກອບສ່ວນນຳສະເໜີກ່ຽວກັບບົດຄົ້ນຄວ້າຂອງພວກເຂົາ ເຊື່ອມໂຍງກັບບັນຫາເລື່ອງສິດທິພື້ນຖານໃນສິດດ້ານກຳມະສິດ.
ມື້ທີ່ 1 ຂອງໂຮງຮຽນລະດູໜາວເລີ່ມຕົ້ນຂຶ້ນໂດຍການໃຫ້ຄຳນິຍາມກ່ຽວກັບບົດບາດ ແລະ ການເຮັດວຽກຂອງບັນດາຫຼັກການທາງດ້ານກົດໝາຍ ເຊິ່ງນຳສະເໜີໂດຍ Pr. Braum, ແລະ ຫຼັງຈາກນັ້ນກໍແມ່ນການນຳສະເໜີໂດຍ ທ່ານ Andrii Hubai ກ່ຽວກັບການໄຈ້ແຍກວ່າຫຼັກການທາງດ້ານກົດໝາຍໂຕໃດທີ່ລັດແຫ່ງກົດໝາຍມີ. ໃນມື້ນີ້ຜູ້ເຂົ້າຮ່ວມລ້ວນແຕ່ປະກອບຄຳເຫັນຢ່າງຕັ້ງໜ້າເຖິງຄວາມແຕກຕ່າງຂອງຄຳວ່າ ”ກົດໝາຍ” ແລະ ”ຫຼັກການ” ເຊັ່ນດຽວກັບກັບຄຳວ່າ ”ລັດແຫ່ງກົດໝາຍ” ແລະ ”ລັດໂດຍກົດໝາຍ”. ໃນຕອນສວາຍ, ແມ່ນສຸມໃສ່ຫຼັກການກ່ຽວກັບຄວາມຖືກຕ້ອງຂອງກົດໝາຍ ເຊິ່ງເລີ່ມຕົ້ນດ້ວຍການບັນຍາຍ ຕາມມາດ້ວຍບົດຝຶກຫັດກ່ຽວກັບການຕີຄວາມກົດໝາຍ ກັບກໍລະນີສຶກສາທາງກົດໝາຍທີ່ຖືກສົມມຸດຂຶ້ນ.
ມື້ທີ 2 ແມ່ນສຸມໃສ່ຫຼັກການການຕັດສິນທີ່ເປັນທຳ ແລະ ຂໍ້ສົມມຸດຖານຄວາມບໍລິສຸດ (ນຳສະເໜີໂດຍ ທ່ານ ນາງ Melina Anastasopoulou) ແລະ ຫຼັກການກ່ຽວກັບຄວາມສົມມາພາຄວນ (ນຳສະເໜີໂດຍ ທ່ານ ນາງ Anna Moraiti). ໃນມື້ດັ່ງກ່າວ ທ່ານ ຮສ. ວຽງວິໄລ ທ່ຽງຈັນໄຊ, ຄະນະບໍດີຄະນະນິຕິສາດ ແລະ ລັດຖະສາດ ກໍໄດ້ເຂົ້າຮ່ວມ ແລະ ປະກອບສ່ວນຄຳເຫັນໃນພາກຂອງການສົນທະນາກ່ຽວກັບການຮ່າງກົດໝາຍ.
ໃນຕອນສວາຍຂອງຜູ້ດັ່ງກ່າວ, ຜູ້ເຂົ້າຮ່ວມຕ້ອງໄດ້ເຮັດວຽກເປັນກຸ່ມ ເພື່ອກຽມໂຕໃນການຂຶ້ນກ່າວຟ້ອງກ່ຽວກັບຄະດີທີ່ສົມມຸດຂຶ້ນ ໂດຍຜູ້ເຂົ້າຮ່ວມຕ້ອງນຳໃຊ້ຫຼັກການຂອງລັດແຫ່ງກົດໝາຍເຂົ້າມາໃນການກ່າວຟ້ອງ/ແກ້ຟ້ອງ. ໂດຍຜູ້ເຂົ້າຮ່ວມໄດ້ຖືກແບ່ງອອກເປັນສາມກຸ່ມ ຄື: ຜູ້ພິພາກສາ, ໄອຍະການ ແລະ ທະນາຍຄວາມຝ່າຍຈຳເລີຍ ເພື່ອເຂົ້າມາກ່າວຄະດີ. ແບບຝຶກຫັດສານຈຳລອງນ້ອຍໆນີ້ ດຳເນີນໄປໄດ້ຢ່າງຟົດຟື້ນ ແລະ ທ່ານ Prof. Stefan Braum ກໍໄດ້ກ່າວສະຫຼຸບ ແລະ ໃຫ້ຄຳເຫັນຕໍ່ການສະແດງບົດບາດຂອງທັງສາມກຸ່ມ ເຊິ່ງເພິ່ນກໍຍັງເນັ້ນໜັກໃສ່ການນຳໃຊ້ຫຼັກການລັດແຫ່ງກົດໝາຍມານຳໃຊ້ຢ່າງຖືກຕ້ອງໃນການແກ້ໄຂຄະດີຄວາມຕ່າງໆ.
ມື້ທີ 3 ຂອງກິດຈະກຳນີ້ ແມ່ນລົງເລິກກ່ຽວກັບສິດກຳມະສິດ ໂດຍເລີ່ມຕົ້ນຈາກ ການບັນຍາຍຂອງທ່ານ Andrii Hubai. ຈາກນັ້ນ ຜູ້ເຂົ້າຮ່ວມກໍຈັດກຸ່ມສົນທະນາກ່ຽວກັບສົມມຸດຖານທາງກົດໝາຍທີ່ກ່ຽວຂ້ອງກັບການລະເມີດສິດດ້ານກຳມະສິດ. ຕໍ່ມາ ກໍຈະແມ່ນການບັນຍາຍໂດຍ ດຣ. ລັດດາວັນ ແລະ ອາຈານ ຄຳຜິວ ກ່ຽວກັບຫົວຂໍ້ບົດຄົ້ນຄວ້າຂອງພວກເຂົາ ເຊິ່ງກ່ຽວຂ້ອງກັບ ບັນຫາເລື່ອງຄ່າຕອບແທນໃນ ສ.ປ.ປ ລາວ (compensation issues in Laos) ແລະ ບັນຫາເລື່ອງຊັບເດີມກາຍເປັນສິນສົມສ້າງ ເຊິ່ງສອດຄ່ອງກັບບັນຫາເລື່ອງສິດດ້ານກຳມະສິດ. ໂຮງຮຽນລະດູໜາວໃນຄັ້ງນີ້ຈົບລົງດ້ວຍການປຶກສາຫາລືແບບໂຕະມົນ ເຊິ່ງເປີດໂອກາດໃຫ້ຜູ້ເຂົ້າຮ່ວມໄດ້ສົນທະນາກ່ຽວກັບການຊຸກຍູ້ການສິດສອນ ແລະ ຄົ້ນຄວ້າກ່ຽວກັບບັນດາຫຼັກການຂອງລັດແຫ່ງກົດໝາຍ.
ຜູ້ເຂົ້າຮ່ວມທັງໝົດໄດ້ສະແດງຄວາມກະຕືລືລົ້ນ ແລະ ຫ້າວຫັນໃນລະຫວ່າງການຝຶກອົບຮົມດັ່ງກ່າວ ແລະ ໄດ້ສົນທະນາ ຖາມ-ຕອບ ຢ່າງກະຕືລືລົ້ນກັບຜູ້ບັນຍາຍ ແລະ ຜູ້ເຂົ້າຮ່ວມດ້ວຍກັນ. ຜູ້ເຂົ້າຮ່ວມໄດ້ຮຽນຮູ້ ແລະ ເຂົ້າໃຈເຖິງຄວາມສຳຄັນ ຂອງບັນດາຫຼັກການກ່ຽວກັບລັດແຫ່ງກົດໝາຍ. ຜູ້ເຂົ້າຮ່ວມທັງໝົດແມ່ນໄດ້ຮັບເອກະສານຕ່າງໆເພື່ອນຳໄປອ່ານເພີ່ມຕື່ມ ແລະ ເພີ່ມພູນຄວາມຮູ້ຂອງພວກເຂົາ.
ສຳລັບໂຮງຮຽນລະດູແລ້ງໃນຄັ້ງຕໍ່ໄປ, ອີງຕາມການສົນທະນາໃນໂຮງຮຽນລະດູໜາວໃນຄັ້ງນີ້ ພວກເຮົາສາມາດຄາດການໄດ້ວ່າ ຈະລົງເລິກກ່ຽວກັບຫຼັກການຄວາມຖືກຕ້ອງຂອງກົດໝາຍ ໂດຍເນັ້ນໃສ່ ຄວາມແນ່ນອນຂອງກົດໝາຍ, ການຕີຄວາມກົດໝາຍ ແລະ ການຮ່າງກົດໝາຍ.
ຂ່າວສານ
ມະຫາວິທະຍາໄລລຸກຊຳບວກ ສະໜັບສະໜູນການຮຽນຮູ້ຈາກການແກ້ບັນຫາ(PBL) ຜ່ານການເຝິກອົບຮົມໃຫ້ຄູ-ອາຈານ ຄົນລາວ ເພື່ອກຽມຄວາມພ້ອມສູ່ການເປັນ “ຄູຝຶກສານຈຳລອງ”.ອີງຕາມຜົນສໍາເລັດ “ການຝຶກອົບຮົມຄູຝຶກ” ສານຈໍາລອງຄັ້ງທໍາອິດ ໃນເດືອນພະຈິກ ປິ 2021 ແລະ ຄັ້ງທີສອງໃນເດືອນມີນາ 2022, ຄູ-ອາຈານ ກໍມີຄວາມກະຕືລືລົ້ນ ທີ່ຢາກຈະລົງເລິກທັກສະ ແລະ ມີຄວາມຕັ້ງໃຈຢາກສືບຕໍ່ຝຶກອົບຮົມ ກັບ ດຣ. ປະພາວະດີ ທະໂນດົມເດດ ຈາກມະຫາວິທະຍາໄລຈຸລາລົງກອນ ປະເທດໄທ. ດຣ. ປະພາວະດີ ເປັນອາຈານທີ່ຊ່ຽວຊານໃນລາຍວິຊາກົດໝາຍລະຫວ່າງຊາດພາກລັດ, ເປັນຄູເຝິກໃຫ້ແກ່ທີມຕົວແທນຂອງ ມ. ຈຸລາ ໃນການແຂ່ງຂັນສານຈຳລອງກົດໝາຍມະນຸດສະທຳສາກົນຂອງອົງການກາແດງສາກົນ ແລະ Philips C. Jessup International Moot Court Competition 2021. ໃນວັນທີ 12-14 ຕຸລາ 2022, ການຝຶກອົບຮົມຄູຝຶກສານຈຳລອງໄດ້ຈັດຂຶ້ນໃຫ້ແກ່ຄູອາຈານ ທີ່ ຄນລ, ນະຄອນຫຼວງວຽງຈັນ.
ວັດຖຸປະສົງຫຼັກຂອງການຝຶກອົບຮົມຄັ້ງນີ້ແມ່ນການສ້າງຄວາມເຂົ້າໃຈໃນກົດໝາຍມະນຸດສະທຳສາກົນ ແລະ ກົດໝາຍອາຍາສາກົນໃຫ້ຫຼາຍຂຶ້ນ ລວມເຖິງທັກສະໃນການວິເຄາະບັນຫາທາງກົດໝາຍ ແລະ ທັກສະໃນການຂຶ້ນຮ້ອງຟ້ອງ ເພື່ອກຽມຄວາມພ້ອມໃຫ້ແກ່ຄູອາຈານຂອງ ຄນລ ໃນການເຂົ້າມາເປັນຄູຝຶກຂອງການແຂ່ງຂັນສານຈຳລອງໃນອະນາຄົດ. ການຝຶກອົບຮົມທັງສາມມືແມ່ນຖືກຈັດຂຶ້ນເປັນພາສາໄທ ແລະ ເຂົ້າຮ່ວມໂດຍອາຈານທີ່ສົນໃຈຈຳນວນ 5 ທ່ານ, ນອກຈາກນີ້ຍັງມີນັກສຶກສາຜູ້ທີ່ສົນໃຈຢາກເຂົ້າຮ່ວມແຂ່ງຂັນ ຍັງເຂົ້າມາຮ່ວມເປັນຜູ້ສັງເກດການອີກດ້ວຍ.
ສຳລັບການຝຶກອົບຮົມໃນຄາບເຊົ້າ ສ່ວນໃຫຍ່ແລ້ວຈະເນັ້ນໃສ່ພາກທິດສະດີເປັນຫຼັກ, ໃນຂະນະທີ່ຄາບສວາຍແມ່ນຈະເນັ້ນໃນກິດຈະກຳເປັນກຸ່ມ ແລະ ການສົນທະນາແລກປ່ຽນ. ຜູ້ເຂົ້າຮ່ວມທຸກຄົນລ້ວນແຕ່ໄດ້ຮັບໂຈດການແຂ່ງຂັນເປັນພາສາອັງກິດ ແລະ ພາສາໄທ, ລວມເຖິງ powerpoint ແລະ ບັນດາເອກະສານສົນທິສັນຍາສາກົນຕ່າງໆທີ່ໄດ້ກຽມມາໂດຍອາຈານປະພາວະດີ.
ມື້ທຳອິດຂອງການຝຶກອົບຮົມແມ່ນສຸມໃສ່ການທົບທວນບົດຮຽນກ່ຽວກັບສານຈຳລອງ ແລະ ເວົ້າເຖິງຫຼັກການພື້ນຖານຂອງກົດໝາຍມະນຸດສະທຳສາກົນ. ໃນຕອນສວາຍ ດຣ.ປະພາວະດີ ໄດ້ແນະນຳຜູ້ເຂົ້າຮ່ວມກ່ຽວກັບການປົກປ້ອງສິ່ງແວດແລ້ວໃນພາວະທີ່ມີຂໍ້ຂັດແຍ່ງປະກອບອາວຸດ. ຍິ່ງໄປກວ່ານັ້ນ, ດຣ ປະພາວະດີ ຍັງໄດ້ໃຫ້ຜູ້ເຂົ້າຮ່ວມເຮັດກິດຈະກຳເປັນກຸ່ມ ໂດຍທີ່ຜູ້ເຂົ້າຮ່ວມຈະຖືກແບ່ງອອກເປັນສອງກຸ່ມ ແລະ ຕ້ອງສົນທະນາກັນເພື່ອວິເຄາະວ່າ ສົງຄາມຫວຽດນາມ ແລະ ສົງຄາມ Gulf, ສົງຄາມໂຕໃດສາມາດຖືກພິຈາລະນາເປັນອາຊະຍາກຳສົງຄາມຕາມມາດຕາ 8(2)(b)(iv) ຂອງທຳມະນູນກຸງໂຣມໄດ້.
ມື້ທີສອງຂອງການຝຶກອົບຮົມແມ່ນເນັ້ນໜັກກ່ຽວກັບການວິເຄາະໂຈດການແຂ່ງຂັນ ແລະ ວິທີໃນການຄົ້ນຫາເອກະສານທາງກົດໝາຍທີ່ສຳຄັນ. ດຣ. ປະພາວະດີ ກໍຍັງໄດ້ແນະນຳຜູ້ເຂົ້າຮ່ວມກ່ຽວກັບວິທີການຄົ້ນຄວ້າທີ່ຈຳເປັນໃນການຂຽນຄຳຮ້ອງຟ້ອງ/ຄຳແກ້ຄຳຮ້ອງຟ້ອງ ສຳລັບການແຂ່ງຂັນສານຈຳລອງກົດໝາຍມະນຸດສະທຳສາກົນຂອງອົງການກາແດງສາກົນສຳລັບຂົງເຂດ ອາຊີ-ປາຊີຟິກ. ເຊິ່ງຂໍ້ມູນດັ່ງກ່າວແມ່ນສາມາດຊອກເປັນພາສາອັງກິດໄດ້ໃນ: https://www.redcross.org.hk/en/moot20/index.html. ໃນຕອນສວາຍ, ອາຈານທີ່ເຂົ້າຮ່ວມໃນຖືກແບ່ງອອກເປັນສອງກຸ່ມເພື່ອສົນທະຍາກ່ຽວກັບມາດຕາ 8(2)(b)(iv) ຂອງທຳມະນູນໂຣມ. ດຣ. ປະພາວະດີ ໄດ້ແບ່ງປັນ ບົດຄຳຮ້ອງຟ້ອງທີ່ດີທີ່ສຸດໃນປີກ່ອນແກ່ຜູ້ເຂົ້າຮ່ວມເພື່ອເບິ່ງເປັນຕົວຢ່າງ ແລະ ຍັງໄດ້ແນະນຳເຕັກນິກໃນການຂຶ້ນກ່າວຄຳຮ້ອງຟ້ອງທີ່ດີ. ຕໍ່ມາຜູ້ເຂົ້າຮ່ວມກໍໄດ້ຖືກແບ່ງອອກເປັນສອງຝ່າຍ ກໍຄື ຝ່າຍໄອຍະການ ແລະ ຝ່າຍທະນາຍ ແລະ ໃຫ້ຜູ້ເຂົ້າຮ່ວມກຽມໂຕໃນການລອງຂຶ້ນກ່າວຟ້ອງ/ແກ້ຄຳຮ້ອງຟ້ອງໃນມື້ຕໍ່ມາ.
ໃນມື້ສຸດທ້າຍ, ຄູອາຈານ ລວມໄປເຖິງນັກສຶກສາໄດ້ລອງຂຶ້ນກ່າວຟ້ອງ/ແກ້ຄຳຮ້ອງຟ້ອງ, ເຊິ່ງຄູອາຈານກໍຍັງໄດ້ມີໂອກາດໃນການສວມບົດບາດເປັນຜູ້ພິພາກສາ ແລະ ສະແດງຄຳເຫັນຕໍ່ກັບການຂຶ້ນກ່າວຄຳຮ້ອງຟ້ອງຂອງແຕ່ລະຄົນ. ດຣ. ປະພາວະດີຍັງໄດ້ໃຫ້ເຕັກນິກ ແລະ ຄຳແນະນຳທີ່ມີປະໂຫຍດຕ່າງໆເພື່ອໃຫ້ອາຈານນຳໄປແນະນຳໃຫ້ແກ່ນັກສຶກສາຕໍ່ໃນອະນາຄົດ.
ການຝຶກອົບຮົມ ທີ່ມີການໃຫ້ປະຕິບັດໂຕຈິງໃນຄັ້ງນີ້ ໄດ້ຊ່ວຍໃຫ້ຜູ້ເຂົ້າຮ່ວມເຂົ້າໃຈເລິກເຊິ່ງເຖິງການຂຶ້ນກ່າວຄຳຟ້ອງໃນສານຈຳລອງຍິ່ງຂຶ້ນ!
ພວກເຮົາຫວັງຢ່າງຍິ່ງວ່າໃນອະນາຄົດ ພວກເຮົາຈະມີໂອກາດໃນການເຮັດວຽກກັບມະຫາວິທະຍາໄລຈຸລາລົງກອນ ແລະ ເພື່ອນຮ່ວມງານຄົນໄທ ໃນກິດຈະກຳສານຈຳລອງ.
***
ທຸກຄົນສາມາດເບິ່ງແຫຼ່ງຂໍ້ມູນທີ່ມີປະໂຫຍດໃນພາສາໄທ ແລະ ພາສາອັງກິດ ໄດ້ທີ່ລິ້ງຕ່າງໆລຸ່ມນີ້:
https://ihl-databases.icrc.org/ihl
ສຳລັບພາສາໄທ:
https://blogs.icrc.org/th/wp-content/uploads/sites/104/2021/12/Additional-Protocols-THAI_web-version.pdf
ຂ່າວສານ
ໃນວັນທີ 12-17 ກັນຍາ 2022, ຜູ້ແທນຝ່ານລາວນຳໂດຍ ຮສ. ວຽງວິໄລ ທ່ຽງຈັນໄຊ ຄະນະບໍດີຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາກດ, ທ່ານ ສົມສັກ ສິລິທິບ (ຜູ້ປະສານງານລະດັບຊາດຂອງມະຫາວິທະຍາໄລແຫ່ງຊາດ) ພ້ອມດ້ວຍ ດຣ. ເພີຣີນ ຊີໂມນ (ຜູ້ປະສານງານໂຄງການ ຂອງມະຫາວິທະຍາໄລລຸກຊຳບວກ) ແລະ ທ້າວ ປາດຖະໜາພອນ ນາມມະລາດ (ຜູ້ຊ່ວຍໂຄງການຮ່ວມມືລະຫວ່າງມະຫາວິທະຍາໄລລາວ-ລຸກຊຳບວກ) ໄດ້ເດີນທາງໄປທີ່ປະເທດລຸກຊຳບວກເພື່ອເຂົ້າຮ່ວມປະຊຸມເພື່ອຕິດຕາມກວດກາ ການເຄື່ອນໄຫວກິດຈະກຳຂອງໂຄງການຮ່ວມມືລະຫວ່າງມະຫາວິທະຍາໄລ ລາວ-ລຸກຊຳບວກ. ເຊິ່ງການເດີນທາງໃນຄັ້ງນີ້ກໍເປັນການເດີນທາງພາຍຫຼັງການຫຼຸດຜ່ອນມາດຕະການຈຳກັດການເດີນທາງ.
ຄະນະຜູ້ແທນ ໄດ້ຖືກຕ້ອນຮັບໂດຍ ທ່ານ ສາສະດາອາຈານ ສະເຕຟານ ບຣຳ (Prof. Stefan Bräum), ຫົວໜ້າໂຄງການ. ງານປະຊຸມຕິດຕາມກວດກາການເຄື່ອນໄຫວກິດຈະກຳໄດ້ຈັດຂຶ້ນທີ່ຄະນະກົດໝາຍ, ເສດຖະສາດ ແລະ ການເງິນ (FDEF) ຂອງມະຫາວິທະຍາໄລລຸກຊຳບວກ ໃນຄັ້ງວັນທີ 13 ກັນຍາ 2022. ພາຍໃນວາລະກອງປະຊຸມກໍໄດ້ຖືໂອກາດແນະນຳ ທ່ານ ສາສະດາອາຈານ ໂທມັສ ມາສທຣູໂລ (Prof. Thomas Mastrullo) ເຊິ່ງເພິ່ນຈະເດີນທາງໄປທີ່ ຄນລ ມຊ ໃນເດືອນມັງກອນ ປີ 2023 ແລະ ກໍເປັນໂອກາດອັນດີໃນການສົນທະນາແລກປ່ຽນກ່ຽວກັບຜົນສຳລັບຂອງກິດຈະກຳທີ່ໄດ້ຈັດຂຶ້ນ ລວມໄປເຖິງກິດຈະກຳໃນຕໍ່ໜ້າ ລວມໄປເຖິງການສອບຖາມຄວາມຄືບໜ້າ ແລະ ອຸປະສັກຕ່າງໆໃນການຂຽນບົດຄົ້ນຄວ້າຂອງຄູອາຈານ ໃນ ຄນລ. ການສົນທະນາແລກປ່ຽນ ຍັງກວມເອົາເຖິງ ການຮັບເອົາອາຈານຂອງ ຄນລ ຜູ້ທຳອິດ ມາສຶກສາ ລະດັບປະລິນຍາເອກ ແລະ ຄວາມຈຳເປັນໃນການຊອກຫາບັນດາອາຈານຜູ້ທີ່ມີຄວາມເປັນໄປໄດ້ໃນການມາສຶກສາຕໍ່ທີ່ລຸກຊຳບວກ, ນອກຈາກນີ້ຍັງໄດ້ເວົ້າເຖິງການສຸມໃສ່ການພັດທະນາລະບົບຖານຂໍ້ມູນເອກະສານທາງວິຊາການແບບເປີດ (repository) ຂອງສະຖາບັນ ເພື່ອໃຫ້ເປັນປະໂຫຍດຕໍ່ການຂຽນຄົ້ນຄວ້າທາງກົດໝາຍໃນ ສ.ປ.ປ ລາວ.
ໃນວັນທີ 14 ກັນຍາ, ຄະນະຜູ້ແທນໄດ້ເດີນທາງໄປຢ້ຽມຢາມກະຊວງການຕ່າງປະເທດ ແລະ ເອີຣົບ (MFEA) ຂອງລຸກຊຳບວກ ທີ່ກົມການຮ່ວມມື ແລະ ໄດ້ພົບປະກັບ ທ່ານ Claude Jentgen, ຜູ້ປະສານງານການຮ່ວມມືແບບທະວີພາຄີ. ຄະນະຜູ້ແທນໄດ້ຍົກສູງເອົາຜົນສຳເລັດຂອງໂຄງການຮ່ວມມືລະຫວ່າງມະຫາວິທະຍາໄລລາວ-ລຸກຊຳບວກ ແລະ ມີຄວາມຮຽກຮ້ອງຕ້ອງການໃນການທະວີຄວາມຮ່ວມມືໃນອະນາຄົດອີກດ້ວຍ.
ການເດີນທາງເພື່ອຕິດຕາມກວດກາການເຄື່ອນໄຫວກິດຈະກຳໃນຄັ້ງນີ້ ໄດ້ປິດລົງດ້ວຍການເຂົ້າຢ້ຽມຢາມ ພະນະທ່ານ ພູໂຄງ ສີສຸລາດ, ເອອັກຄະລັດຖະທູດລາວ ປະຈຳບຣູກແຊນ. ໂດຍ ທ່ານ ດຣ ເພີຣີນ ຊິໂມນ ໄດ້ລາຍງານເຖິງຜົນສຳລັບຂອງໂຄງການ ແລະ ໄດ້ຄົ້ນຄວ້າວິທີການເພີ່ມທະວີການຮ່ວມມືສົມທົບກັບກະຊວງການຕ່າງປະເທດລາວ.
ຂ່າວສານ
ໃນຂອບເຂດການເຮັດວຽກຂອງໂຄງການການຮ່ວມມືມະຫາວິທະຍາໄລ, ມະຫາວິທະຍາໄລລຸກຊໍາບວກ ແມ່ນໄດ້ໃຫ້ການສະໜັບສະໜູນການພັດທະນາຫຼັກສູດ.
ໂດຍທາງໂຄງການໄດ້ງານຝຶກອົບຮົມຂຶ້ນ ເປັນເວລາ 3 ວັນ ເພື່ອແນ່ໃສ່ ການພັດທະນາທັກສະທາງດ້ານການສິດສອນ ເຊິ່ງໄດ້ຈັດຂຶ້ນໃນລະຫວ່າງວັນທີ 27-29 ກໍລະກົດ 2022, ທີ່ ຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ, ນະຄອນຫຼວງວຽງຈັນ.
ງານຝຶກອົບຮົມໄດ້ເນັ້ນໃສ່ ເຕັກນິກການສິດສອນ ກົດໝາຍ ແລະ ການອອກແບບຫຼັກສູດການຮຽນ-ການສອນ, ໂດຍການນໍາໃຊ້ກົດໝາຍອາຍາມາເປັນຕົວຢ່າງ. ການສໍາມະນາໃນຄັ້ງນີ້ແມ່ນໄດ້ນໍາພາໂດຍ ສາສະດາຈານ Yeo Meng Heong ຈາກມະຫາວິທະຍາໄລແຫ່ງຊາດສິງກະໂປ ແລະ ສາສະດາຈານ Chan Wing Cheong ຈາກມະຫາວິທະຍາໄລການຈັດການສິງກະໂປ. ການຝຶກອົບຮົມ ໃນຄັ້ງນີ້ແມ່ນພາກສ່ວນເສີມຂອງງານສໍາມະນາກ່ຽວກັບກົດໝາຍອາຍາ ທີ່ໄດ້ຈັດຂຶ້ນໃນຊ່ວງວັນທີ 18-20 ກໍລະກົດ 2022 ທີ່ຜ່ານມາ. ງານຝຶກອົບຮົມໃນຄັ້ງນີ້ນີ້ໄດ້ນໍາເອົາຄະນະຜູ້ອາຈານກັບມາຮ່ວມໂຕກັນອີກຄັ້ງ ເຊິ່ງມາຈາກ ຄະນະນິຕິສາດ ແລະ ລັດຖະສາດ ຂອງມະຫາວິທະຍາໄລແຫ່ງຊາດລາວ, (ຄນລ, ມຊ), ຄະນະນິຕິສາດ ແລະ ລັດຖະສາດ, ຂອງມາຫາວິທະຍາໄລຈໍາປາສັກ (ຄນລ, ມຈ), ສະຖາບັນຍຸຕິທໍາແຫ່ງຊາດ (ສຍຊ) ນະຄອນຫຼວງວຽງຈັນ, ຫຼວງພະບາງ ແລະ ສະຫວັນນະເຂດ, ເຊິ່ງແມ່ນຄະນະຄູອາຈານທີ່ໄດ້ເຂົ້າຮ່ວມງານສໍາມະນາຄັ້ງທີ່ຜ່ານມາ.
ການຝຶກອົບຮົມໄດ້ເນັ້ນໃສ່ ການຊອກຫາລະດັບການສິດສອນທີ່ເເທດເໝາະ ເພື່ອການສ້າງສະພາດແວດລ້ອມທີ່ມີປະສິດທິພາບໃຫ້ກັບນັກສຶກສາ ໂດຍຜ່ານການສ້າງຄວາມເຂັ້ມແຂງໃນທັກສະການສິດສອນ.
ການຝຶກອົບຮົບແມ່ນໄດ້ປະກອບມີ ການບັນຍາຍ ແລະ ການສົນທະນາກັນເປັນກຸ່ມ, ເຊິ່ງຜູ້ເຂົ້າຮ່ວມກໍໄດ້ຮັບເອກກະສານປະກອບໃນການບັນຍາຍທີ່ໄດ້ກະກຽມໂດຍ ສາສະດາຈານ Yeo Meng Heong ແລະ ສາສະດາຈານ Chan Wing Cheong ເພື່ອເປັນແນວທາງ ໃນການນຳໃຊ້ເຕັກນິກການສິດສອນ ເພື່ອຊອກຫາລະດັບການສິດສອນກ່ຽວກັບກົດໝາຍໃຫ້ແທດເໝາະກັບນັກສຶກສາ ໂດຍຜ່ານວິທີການທີ່ເອີ້ນວ່າ Bloom’s Taxonomy ແລະ ພ້ອມກັນນັ້ນຍັງໄດ້ຮຽນຮູ້ເຕັກນິກການສິດສອນໃນຫ້ອງຮຽນຂະໜາດໃຫຍ່ ແລະ ນ້ອຍ, ການອອກແບບ Power Point, ການມີສ່ວນຮ່ວມຂອງນັກສຶກສາ, ການກະຕຸ້ນ, ແລະ ການປະເມີນຜົນ.
ໃນໄລຍະຂອງການຝຶກອົບຮົມ, ຜູ້ເຂົ້າຮ່ວມໄດ້ປຶກສາຫາລືກັນເປັນກຸ່ມກ່ຽວກັບຫຼັກສູດການສອນ ແລະ ແຜນການປະເມີນຜົນ ທີ່ໄດ້ຮັບມາ. ເຊິ່ງຜູ້ເຂົ້າຮ່ວມໄດ້ຊອກຫາຈຸດແຕກຕ່າງ ແລະ ຈຸດຄ້າຍຄືກັນ ຂອງຫຼັກສູດດັ່ງກ່າວນີ້ ເພື່ອໄຈ້ແຍກ ຈຸດດີ ແລະ ຈຸດອ່ອນ ໃນການປຽບທຽບກັບຫຼັກສູດຂອງຜູ້ເຂົ້າຮ່ວມເອງ ແລະ ຍັງໄດ້ປຶກສາຫາລືກັນກ່ຽວກັບຄວາມເປັນໄປໄດ້ໃນການນໍາໃຊ້ບາງສ່ວນຂອງຫຼັກສູດດັ່ງກ່າວມາປະກອບໃສ່ໃນຫຼັກສູດຂອງລາວ.
ເຊິ່ງການເຂົ້າຮ່ວມຂອງອາຈານຈາກ ຄະນະນິຕິສາດ ແລະ ລັດຖະສາດຂອງມະຫາວິທະຍາໄລຈໍາປາສັກ ແລະ ສະຖາບັນຍຸຕິທໍາແຫ່ງຊາດແມ່ນໄດ້ຮັບການສະໜັບສະໜູນຄ່າໃຊ້ຈ່າຍໃນການເຂົ້າຮ່ວມ ຈາກໂຄງການ ລາວ/031 ຂອງອົງການ LuxDev.
ຂ່າວສານ
ໃນຂອບເຂດການເຮັດວຽກຂອງໂຄງການການຮ່ວມມືລະຫວ່າງມະຫາວິທະຍາໄລ ລາວ-ລຸກຊໍາບວກ ແມ່ນໄດ້ໃຫ້ການສະໜັບສະໜູນການພັດທະນາຫຼັກສູດການຮຽນ-ການສອນ.
ໂດຍທາງໂຄງການໄດ້ຈັດງານສຳມະນາຂຶ້ນ 3 ວັນ ເພື່ອແນ່ໃສ່ໂດຍກົດໝາຍອາຍາ ເຊິ່ງໄດ້ຈັດຂຶ້ນໃນລະຫວ່າງວັນທີ 18-20 ກໍລະກົດ 2022, ທີ່ ຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ, ນະຄອນຫຼວງວຽງຈັນ. ພວກເຮົາໄດ້ຮູ້ສຶກເປັນກຽດທີ່ໄດ້ຕ້ອນຮັບນັກວິຊາການຈາກສິງກະໂປເປັນຄັ້ງທໍາອິດ. ງານສໍາມະນາໃນຄັ້ງນີ້ໄດ້ນຳພາໂດຍ ສາສະດາຈານ Yeo Meng Heong ຈາກມະຫາວິທະຍາໄລແຫ່ງຊາດສິງກະໂປ ພ້ອມກັບ ສາສະດາຈານ Chan Wing Cheong ຈາກມະຫາວິທະຍາໄລການຈັດການສິງກະໂປ.
ງານສໍາມະນາໃນຄັ້ງນີ້ໄດ້ເນັ້ນໃສ່ ກົດໝາຍອາຍາ ແລະ ຄວາມຍຸຕິທໍາທາງອາຍາ ເຊິ່ງໃຊ້ກົດໝາຍປຽບທຽບ ເພື່ອວິເຄາະກົດໝາຍອາຍາລາວ ອ້າງອີງໃສ່ກົດໝາຍອາຍາຂອງ ສິງກະໂປ, ເຢຍລະມັນ, ແລະ ໄທ. ໂຄງການຮ່ວມມືລະຫວ່າງມະຫາວິທະຍາໄລຂອງພວກເຮົາໄດ້ນໍາເອົາຄະນະອາຈານຜູ້ທີ່ມີຄວາມຮູ້ເລິກເຊິງກ່ຽວກັບກົດໝາຍອາຍາ ມາຈາກ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດລາວ (ຄນລ, ມຊ), ຄະນະນິຕິສາດ ແລະ ລັດຖະສາດ ມະຫາວິທະຍາໄລຈໍາປາສັກ (ຄນລ, ມຊ), ແລະ ຈາກສະຖາບັນຍຸຕິທໍາແຫ່ງຊາດ (ສຍຊ) ນະຄອນຫຼວງວຽງຈັນ, ຫຼວງພະບາງ ແລະ ສະຫວັນນະເຂດ. ນອກນັ້ນຍັງມີ ນັກກົດໝາຍ ແລະ ຜູ້ປະຕິບັດກົດໝາຍ 6 ທ່ານ ທີ່ເປັນສະມາຊິກຂອງສະພາທະນາຍຄວາມ, ຜູ້ພິພາກສາຈາກສານປະຊາຊົນສູງສຸດ, ແລະ ໄອຍາການຈາກອົງການໄອຍການປະຊາຊົນສູງສຸດ ກໍໄດ້ເຂົ້າຮ່ວມງານສໍາມະນາຂອງພວກເຮົາໃນຄັ້ງນີ້.
ການຝຶກອົບຮົບແມ່ນໄດ້ປະກອບມີ ການບັນຍາຍ ແລະ ການສົນທະນາກັນເປັນກຸ່ມ, ເຊິ່ງຜູ້ເຂົ້າຮ່ວມກໍໄດ້ຮັບເອກກະສານປະກອບໃນການບັນຍາຍທີ່ໄດ້ກຽມມາໂດຍ ສາສະດາຈານ Yeo Meng Heong ແລະ ສາສະດາຈານ Chan Wing Cheong ທີ່ໄດ້ນຳໃຊ້ວິທີການປຽບທຽບລະບົບກົດໝາຍເພື່ອໃຊ້ວິເຄາະກົດໝາຍອາຍາ. ການສຳມະນາໄດ້ເນັ້ນໃສ່ເຄື່ອງມືຂອງການກະທຳຜິດທາງອາຍາ, ມາດຕະຖານການກະທໍາຜິດຂອງຄາດຕະກອນ, ໂດຍສະເພາະແມ່ນການມີສ່ວນຮ່ວມ, ການພະຍາຍາມຂ້າ ແລະ ການປ້ອງກັນ/ການປ້ອງກັນຕົນເອງ ແລະ ກົດໝາຍປົກປ້ອງຜູ້ທີ່ເປັນບ້າເສຍຈິດ.
ຜູ້ເຂົ້າຮ່ວມໄດ້ປຶກສາຫາລືກັນໃນຫຼາຍໆ “ສະຖານະການສົມໝຸດ” (ເຊິ່ງແມ່ນສະຖານະການນ້ອຍໆເພື່ອໃຫ້ຜູ້ເຂົ້າຮ່ວມຮ່ວມກັນແກ້ໄຂ) ໂດຍການຊອກເອົາ ປະມວນກົດໝາຍອາຍາຂອງຫຼາຍໆປະເທດ. ການຊອກວິທີການແກ້ໄຂໃນຄັ້ງນີ້ໄດ້ນໍາໄປສູ່ການປຶກສາຫາລືກັນແບບເລິກເຊິງເຖິງວິທີການແກ້ໄຂບັນຫາທາງດ້ານກົດໝາຍທີ່ຖືກຕ້ອງ, ຄວາມໝາຍທີ່ຖືກຕ້ອງຂອງບົດບັນຢັດທີ່ຕ້ອງມີຄວາມຊັດເຈນ, ຈຸດດີ ແລະ ຈຸດອ່ອນ ກ່ຽວກັບການນໍາໃຊ້ຄໍາສັບທາງດ້ານກົດໝາຍຂອງກົດໝາຍລາວເຊິ່ງປຽບທຽບກັບກົດໝາຍປະເທດອື່ນ.
ເຊິ່ງການເຂົ້າຮ່ວມຂອງອາຈານຈາກ ຄະນະນິຕິສາດ ແລະ ລັດຖະສາດຂອງມະຫາວິທະຍາໄລຈໍາປາສັກ ແລະ ສະຖາບັນຍຸຕິທໍາແຫ່ງຊາດແມ່ນໄດ້ຮັບການສະໜັບສະໜູນຄ່າໃຊ້ຈ່າຍໃນການເຂົ້າຮ່ວມ ຈາກໂຄງການ ລາວ/031 ຂອງອົງການ LuxDev.
ຂ່າວສານ
ໃນວັນທີ 21-24 ມິຖຸນາ 2022, ສາສະດາຈານ ສະເຕຟານ ບຣວມ ຫົວໜ້າໂຄງການຮ່ວມມືລະຫວ່າງມະຫາວິທະຍາໄລລາວ-ລຸກຊໍາບວກ ໄດ້ເດີນທາມງມາຢ້ຽມຢາມ ສ.ປ.ປ ລາວ ພາຍຫຼັງການຜ່ອນຄາຍຂໍ້ຈໍາກັດທາງດ້ານການເດີນທາງເນື່ອງຈາກການແພ່ລະບາດຂອງພະຍາດໂຄວິດ-19. ການມາຢ້ຽມຢາມຂອງລາວແມ່ນໄດ້ເລີ່ມຕົ້ນກັບການປະຊຸມຄະນະກຳມະການຜູ້ບໍລິຫານລະດັບສູງ, ເຊິ່ງການປະຊຸມດັ່ງກ່າວແມ່ນໄດ້ຈັດແບບເຊິງໜ້າເປັນຄັ້ງທໍາອິດໃນຮອບ 2 ປີຢູ່ທີ່ຄະນະນິຕິສາດ ແລະ ລັັດຖະສາດ ໃນວັນພຸດ 22 ມິຖຸນາທີ່ຜ່ານມາ. ການປະຊຸມຄະນະກຳມະການຜູ້ບໍລິຫານລະດັບສູງແມ່ນໄດ້ໃຫ້ກຽດເຂົ້າຮ່ວມໂດຍ ທ່ານ ແຊມ ໄຊເນີຣ (ອຸປະທູດປະຈຳສະຖານທູດ ລຸກຊໍາບວກໃນ ສ.ປ.ປ ລາວ), ທ່ານ ເອນິກາ ບຣັກ (ຜູ້ຮັບຜິດຊອບພາກພື້ນອາຊີ, ກະຊວງການຕ່າງປະເທດ ແລະ ກົມເອີຣົບ ແລະ ຄູ່ຮ່ວມມືຂອງປະເທດລຸກຊໍາບວກໂດຍສະເພາະແມ່ນ LuxDev ແລະ ILSTA). ການປະຊຸມແມ່ນເນັ້ນໜັກເວົ້າເຖິງຜົນສໍາເລັດຂອງໂຄງການໃນໄລຍະທີ 2 ແລະ ກໍຍັງໄດ້ໂອລົມສົນທະນາກັນກ່ຽວກັບການວາງແຜນຂອງໂຄງການ ແລະ ທຶນທີ່ຈະນຳໃຊ້ເຂົ້າໃນໂຄງການໃນປີ 2022.
ໃນວັນທີ 23 ມິຖຸນາ, ສາສະດາຈານ ສະເຕຟານ, ດຣ ເພີລິນ ສີມອນ (ຜູ້ປະສານງານໂຄງການຮ່ວມມືມະຫາວິທະຍາໄລລາວ-ລຸກຊໍາບວກ) ພ້ອມກັບ ດຣ ສົມເດດ ແກ້ວວົງສັກ (ຮອງອະທິການບໍດີ ຄະນະນິຕິສາດ ແລະ ລັດຖະສາດ), ທ່ານ ສົມສັກ ສິລິນທິບ (ຜູ້ປະສານງານໂຄງການຂອງຄະນະນິຕິສາດ ແລະ ລັດຖະສາດ) ແລະ ນາງ ທອງຄູນ ໄຊຍະຫົງ (ຜູ້ຊ່ວຍໂຄງການຮ່ວມມືມະຫາວິທະຍາໄລລາວ-ລຸກຊໍາບວກ) ໄດ້ເດີນທາງໄປຢ້ຽມຢາມມະຫາວິທະຍາໄລແຫ່ງຊາດ, ແລະ ໄດ້ເດີນທາງໄປພົບກັບ ທ່ານ ຮອງອະທິການບໍດີ, ສາສະດາຈານ ດຣ ຮຸ່ງເພັດ ຈັນທະວົງ, ແລະ ໄດ້ເດີນທາງໄປຢ້ຽມຢາມ ທ່ານ ຮຈ ປອ ພຸດ ສິມມາລາວົງ, ລັດຖະມົນຕີກະຊວງສຶກສາທິການ ແລະ ກິລາ ຂອງ ສ.ປ.ປ ລາວ.
ຂ່າວສານ
ຂອບເຂດການເຮັດວຽກຂອງໂຄງການການຮ່ວມມືມະຫາວິທະຍາໄລ , ມະຫາວິທະຍາໄລລຸກຊໍາບວກ ແມ່ນໄດ້ໃຫ້ການສະໜັບສະໜູນການພັດທະນາຫຼັກສູດການຮຽນການສອນ.
ໂດຍທາງໂຄງການໄດ້ຈັດງານຝຶກອົບຮົມ 3 ວັນ ເພື່ອແນໃສ່ ການສິດສອນວິຊາກົດໝາຍ ໂດຍສະເພາະແມ່ນ ກົດໝາຍສາກົນ ແລະ ກົດໝາຍສິດທິມະນຸດສາກົນ ເຊິ່ງໄດ້ຈັດຂຶ້ນໃນລະຫວ່າງວັນທີ 15-17 ມິຖຸນາ ປີ 2022, ທີ່ ຄະນະ ນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ, ນະຄອນຫຼວງວຽງຈັນ.
ການຝຶກອົບຮົມໄດ້ເນັ້ນໃສ່ຫຼັກສູດການສອນ ວິຊາກົດໝາຍສາກົນ ແລະ ກົດໝາຍສິດທິມະນຸດສາກົນ ເພື່ອສ້າງຄວາມເຂັ້ມແຂງ ໃຫ້ແກ່ທັກສະການສິດສອນລາຍວິຊາດັ່ງກ່າວໃຫ້ແກ່ ຄູອາຈານຈາກຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ; ຄະນະ ນິຕິສາດ ແລະ ລັດຖະສາດ, ມະຫາວິທະຍາໄລຈໍາປາສັກ ແລະ ສະຖາບັນຍຸຕິທໍາແຫ່ງຊາດ ສາຂາ ນະຄອນຫຼວງວຽງຈັນ, ຫຼວງພະບາງ ແລະ ຈໍາປາສັກ.
ການຝຶກອົບຮົມທັກສະການສອນໃນຄັ້ງນີ້, ໄດ້ຈັດຕັ້ງຂຶ້ນພາຍໃຕ້ການຮ່ວມມືໂດຍ ທ່ານ Jonathan Liljeblad ຈາກ ມະຫາວິທະຍາໄລແຫ່ງຊາດອົສຕາລິ ແລະ ທ່ານ ດຣ. Perrine Simon (ຜູ້ປະສານງານໂຄງການມະຫາວິທະຍາໄລລຸກຊຳບວກ).
ໃນຕອນເຊົ້າຂອງການຝຶກອົມຮົມ ແມ່ນໄດ້ສຸມໃສ່ການບັນຍາຍ, ສ່ວນຕອນສວາຍ ແມ່ນສຸມໃສ່ບັນດາກິດຈະກຳ ແລະ ການສົນທະນາເປັນກຸ່ມ. ເຊິ່ງຕະຫຼອດການເຂົ້າຮ່ວມກິດຈະກຳ, ຜູ້ເຂົ້າຮ່ວມກໍໄດ້ຮັບເອກະສານ ເຊິ່ງປະກອບມີແຫຼ່ງຂໍ້ມູນອ້າງອີງ ທີ່ນຳໃຊ້ເພື່ອການສິດສອນກົດໝາຍສາກົນ ແລະ ກົດໝາຍສິດທິມະນຸດສາກົນ ແລະ ນອກນີ້, ຍັງມີຕົວຢ່າງຫຼັກສູດທີ່ຖືກນຳໃຊ້ແທ້ໃນມະຫາວິທະຍາໄລຕ່າງໆທົ່ວໂລກ.
ໃນໄລຍະການຝຶກອົບຮົມ, ຜູ້ເຂົ້າຮ່ວມໄດ້ປຶກສາຫາລືກັນໃນກຸ່ມ ກ່ຽວກັບຂໍ້ດີ ແລະ ຂໍ້ຫຍຸ້ງຍາກຂອງຫຼັກສູດຕົວຢ່າງທີ່ໄດ້ຮັບມາ, ລວມເຖິງຄວາມແຕກຕ່າງ ແລະ ຄວາມຄ້າຍຄືກັນຂອງຫຼັກສູດການສອນຂອງຜູ້ເຂົ້າຮ່ວມເອງ ແລະ ຄວາມເປັນໄປໄດ້ໃນການນໍາເອົາຫຼັກສູດຕົວຢ່າງຈາກຕ່າງປະເທດໄປແຊກໃສ່ໃນຫຼັກສູດການສິດສອນຂອງລາວເຮົາ.
ໃນມື້ສຸດທ້າຍຂອງການຝຶກອົບຮົມ, ທ່ານ Jonathan Liljeblad ໄດ້ແບ່ງປັນເຕັກນິກ ແລະ ການປະເມີນ ພ້ອມທັງແນະນໍາກ່ຽວກັບຫຼັກການ IRAC (ຫຼັກການທີ່ໃຊ້ໃນຊີ້ແຈ້ງເຫດຜົນທາງດ້ານກົດໝາຍ) ໃຫ້ແກ່ບັນດາຜູ້ເຂົ້າຮ່ວມ.
ເຊິ່ງການເຂົ້າຮ່ວມຂອງອາຈານຈາກ ຄະນະນິຕິສາດ ແລະ ລັດຖະສາດຂອງມະຫາວິທະຍາໄລຈໍາປາສັກ ແລະ ສະຖາບັນຍຸຕິທໍາແມ່ນໄດ້ຮັບການສະໜັບສະໜູນຄ່າໃຊ້ຈ່າຍໃນການເຂົ້າຮ່ວມ ຈາກໂຄງການ ລາວ/031 ຂອງອົງການ LuxDev.
ຂ່າວສານ
ໃນຂອບເຂດວຽກງານ ຂອງໂຄງການຮ່ວມມືລະຫວ່າງມະຫາວິທະຍາໄລ, ມະຫາວິທະຍາໄລລຸກຊຳບວກ ໄດ້ໃຫ້ການສະໜັບສະໜູນ ການສິດສອນກົດໝາຍວ່າດ້ວຍສິ່ງແວດລ້ອມຢູ່ ສປປ ລາວ, ເຊິ່ງເປັນຫຼັກສູດວິຊາການທີ່ຈຳເປັນສຳລັບການພັດທະນາແບບຍືນຍົງ ແລະ ການປົກປັກຮັກສາດິນຟ້າອາກາດ. ການສຳມະນາ ກົດໝາຍສິ່ງແວດລ້ອມ ໄດ້ຈັດຂຶ້ນໃນວັນທີ 26-28 ເມສາ 2022 ທີ່ນະຄອນຫຼວງວຽງຈັນ ໃນຮູບແບບປະສົມປະສານ ເປັນເວລາ 3 ມື້. ການສຳມະນາຄັ້ງນີ້ ເປັນການຈັດການສຳມະນາແບບເຊີ່ງໜ້າຄັ້ງທໍາອິດໃນປີນີ້, ຫຼັງຈາກຂໍ້ຈໍາກັດຈາກ ສະຖານະການ Covid-19, ຜູ້ເຂົ້າຮ່ວມສາມາດເຂົ້າຮ່ວມກິດຈະກໍາເຊິ່ງຫນ້າໄດ້, ໃນຂະນະທີ່ຜູ້ບັນຍາຍ ໄດ້ໃຫ້ການສໍາມະນາຜ່ານ Zoom. ການສຳມະນາຄັ້ງນີ້ໄດ້ເນັ້ນໃສ່ເນື້ອໃນຫລັກສູດ ແລະ ທັກສະການສອນກົດໝາຍສິ່ງແວດລ້ອມ ເພື່ອສ້າງຄວາມເຂັ້ມແຂງໃຫ້ແກ່ຄູສອນກົດໝາຍສິ່ງແວດລ້ອມ ຈາກຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ, ຄະນະນິຕິສາດ ແລະ ບໍລິຫານ, ມະຫາວິທະຍາໄລຈໍາປາສັກ ແລະ ສະຖາບັນຍຸຕິທຳແຫ່ງຊາດ.
ການສຳມະນາກົດໝາຍສິ່ງແວດລ້ອມຄັ້ງນີ້ ຈັດຂຶ້ນໂດຍການຮ່ວມມືລະຫວ່າງ ທ່ານ Matthew Baird, ຜູ້ອໍານວຍການສະຖາບັນຄົ້ນຄວ້າກົດໝາຍສິ່ງແວດລ້ອມອາຊີ (ARIEL) ແລະ ປະສານງານໂດຍ Dr. Perrine Simon (ຜູ້ປະສານງານຂອງ Uni.lu). ທ່ານ Matthew Baird ເປັນທະນາຍຄວາມທີ່ມີຄວາມຊ່ຽວຊານທາງດ້ານກົດໝາຍສິ່ງແວດລ້ອມ ແລະ ມີປະສົບການອັນກວ້າງຂວາງ ໃນການຝຶກອົບຮົມຄູໃນອາຊີຕາເວັນອອກສຽງໃຕ້ ໂດຍໄດ້ຊ່ວຍເຫຼືອ ທະນາຄານພັດທະນາອາຊີ ໃນການພັດທະນາໂຄງການ Train the Trainers ສໍາລັບການພັດທະນາຄວາມສາມາດຂອງນັກວິຊາການດ້ານກົດໝາຍສິ່ງແວດລ້ອມໃນອາຊີ, ເຊິ່ງດໍາເນີນຢູ່ ກຳປູເຈຍ, ໄທ, ມຽນມາ ແລະ ຟີລິບປິນ.
ໃນພາກເຊົ້າແມ່ນໄດ້ ສຸມໃສ່ການບັນຍາຍ, ໃນຂະນະທີ່ພາກບ່າຍ ໄດ້ເຮັດກິດຈະກໍາ ແລະ ມີການສົນທະນາເປັນກຸ່ມ. ຜູ້ເຂົ້າຮ່ວມໄດ້ຮັບຫຼັກສູດ ລວມທັງຂໍ້ມູນອ້າງອີງສໍາລັບການຮຽນຮູ້ ແລະ ການສອນກົດຫມາຍສິ່ງແວດລ້ອມເຊັ່ນ: ຫຼັກສູດອອນໄລນ໌, ເອກະສານປະກອບການບັນຍາຍ, ແບບຂອງຫຼັກສູດ, ແລະ ຍັງໄດ້ຮັບອະນຸຍາດໃຫ້ເຂົ້າເຖິງໂຟລເດີ ລວມທັງແຫຼ່ງຂໍ້ມູນ ທາງເອເລັກໂຕຣນິກທີ່ສໍາຄັນ.
ມື້ທໍາອິດຂອງການສໍາມະນາແມ່ນໄດ້ລົງເລິກ ແນະນໍາກ່ຽວກັບກົດຫມາຍສິ່ງແວດລ້ອມ ແລະກົດຫມາຍສິ່ງແວດລ້ອມສາກົນ ແລະ ປະຕິບັດກັບຫຼັກການພື້ນຖານສິ່ງແວດລ້ອມ ແລະ ເຄື່ອງມືສາກົນ, ເຊີ່ງກວມເອົາທັງ hard law ແລະ soft law.
ໃນຕອນບ່າຍ, ພວກຂ້າພະເຈົ້າໄດ້ຕ້ອນຮັບ Dr. David J. Devlaeminck ຜ່ານ Zoom, ເຊິ່ງເປັນອາຈານສອນຢູ່ໂຮງຮຽນກົດໝາຍ, ນະຄອນ Chongquing ເພື່ອນຳສະເໜີກ່ຽວກັບກົດໝາຍວ່າດ້ວຍນ້ຳ, ໂດຍເນັ້ນກ່ຽວກັບສົນທິສັນຍາວ່າດ້ວຍສາຍນ້ຳ ແລະ ອ່າງແມ່ນ້ຳຂອງກັບສັນຍາແມ່ນ້ຳຂອງ, ສັນຍາແລກປ່ຽນຂໍ້ມູນຂ່າວສານສອງຝ່າຍ, ແລະ Soft Instruments. ຈາກນັ້ນ, ສາດສະດາຈານ Amanda Kennedy (ຄະນະນິຕິສາດ, ມະຫາວິທະຍາໄລເຕັກໂນໂລຍີ Queensland, ແລະ ປະທານຮ່ວມຂອງຄະນະກຳມາທິການການສອນ IUNC AEL), ໄດ້ນຳສະເໜີ “ການສອນກົດໝາຍສິ່ງແວດລ້ອມດ້ວຍສິລະປະການສອນ ແລະ ການປະຕິບັດຕົວຈິງ”. ຜູ້ເຂົ້າຮ່ວມ ໄດ້ຮັບຄຳແນະນຳ ທິດສະດີການຮຽນຮູ້ທີ່ແຕກຕ່າງກັນ ແລະ Bloom’s Taxonomy, ທີ່ກ່ຽວຂ້ອງກັບຜົນການຮຽນຮູ້, ວິທີການປະເມີນຜົນ, ແລະ ກິດຈະກໍາການຮຽນຮູ້.
The second day of the seminar was devoted to teaching Environmental Impact Assessment (EIA) and Comparative Environmental Law; teaching Climate Change Law and Litigation; and International Environmental Law with Matthew Baird. Dr. Perrine Simon led group discussions on curriculum design in the afternoon, where participants had to work in groups and choose one topic related to Environmental Law, such as Climate Change, International Legal Regime, International Environmental Law, and Natural Resources Law, and design their own curriculum on environmental law, including the content, learning objectives, and lesson plan. The other discussion topic was on pedagogy, where participants had to look back at their lesson plan and propose the learning activities or exercises to run with the students.
On the last day of the seminar, we had the chance to welcome Associate Prof. Jonathan Liljeblad from the Australian National University via Zoom to discuss designing Environmental Law curriculum. Participants also experienced blended learning and asynchronous teaching by watching a recorded lecture on “Human Rights and the Environment” prepared by Ass. Pr. Liljeblad. The final session with Mr. Baird dealt with resolving environmental disputes (environmental courts), environmental crime, and environmental justice. In the afternoon, we had a group discussion on reflective practice with Dr. Perrine Simon. Lecturers highlighted as their main challenges the lack of resources and of teaching tools, together with difficulties in communicating and transferring knowledge to students. They praised the access to teaching material and learning about pedagogy acquired during this 3-day event.
The participation of the lecturers of the Faculty of Law and Administrative of Champassak University and of the National Institute of Justice was made possible with the financial support of the LuxDev Project LAO/031.
ຂ່າວສານ
ໂຄງການຮ່ວມມືລະຫວ່າງມະຫາວິທະຍາໄລໄດ້ຈັດໂຮງຮຽນກົດໝາຍລະດູແລ້ງ ໃນລະຫວ່າງວັນທີ 18-20 ພຶດສະພາ 2022 ທີ່ວັງວຽງ. ຜູ້ສະຫມັກ 17 ທ່ານໄດ້ຖືກຄັດເລືອກໂດຍອີງຕາມຄວາມສົນໃຈໃນການປັບປຸງຄວາມຮູ້ທາງດ້ານກົດຫມາຍ ແລະ ທັກສະພາສາອັງກິດຂອງພວກເຂົາ ໃນການສໍາມະນາແບບເລັ່ງລັດເປັນເວລາ 3 ມື້. ການສຳມະນາຄັ້ງນີ້ ປະກອບມີອາຈານສອນກົດໝາຍຈາກຄະນະນິຕິສາດ ແລະ ລັດຖະສາດ 11 ທ່ານ, ອາຈານສອນກົດໝາຍຈາກຄະນະນິຕິສາດ ແລະ ບໍລິຫານ ມະຫາວິທະຍາໄລຈໍາປາສັກ 4 ທ່ານ ແລະ ນັກວິຊາການ 4 ທ່ານ (ຜູ້ພິພາກສາ 2 ທ່ານ ແລະ ທະນາຍຄວາມ 2 ທ່ານ). ການເຂົ້າຮ່ວມຂອງອາຈານ 2 ທ່ານຈາກຄະນະນິຕິສາດ ແລະ ບໍລິຫານ ມະຫາວິທະຍາໄລຈໍາປາສັກ ໄດ້ຮັບການຊ່ວຍເຫຼືອດ້ານການງົບປະມານຈາກໂຄງການ LAO/031.
ໂຮງຮຽນກົດຫມາຍລະດູແລ້ງ ໄດ້ລົງເລິກ “ຫຼັກການຂອງກົດຫມາຍ”, ໂດຍສະເພາະກັບຫຼັກການຄວາມຖືກຕ້ອງຂອງກົດໝາຍ (Legality), ທີ່ມີຄວາມກ່ຽວຂ້ອງທີ່ສຸດສໍາລັບການນໍາໃຊ້ກົດຫມາຍ. ພວກເຮົາໄດ້ສຸມໃສ່ຄວາມແນ່ນອນທາງດ້ານກົດຫມາຍ (“Lex Certa”), ຊຶ່ງຫມາຍຄວາມວ່າກົດຫມາຍຕ້ອງມີຄວາມຊັດເຈນ ແລະແນ່ນອນ ໃນການຕີຄວາມຫມາຍຂອງກົດຫມາຍ. ພວກເຮົາມີຄວາມຍິນດີທີ່ໄດ້ຕ້ອນຮັບທ່ານ ດຣ. Lasse Schuldt, ຜູ້ຊ່ວຍສາດສະດາຈານຂອງມະຫາວິທະຍາໄລທຳມະສາດ ທີ່ບາງກອກ, ປະເທດໄທ, ເຊິ່ງເປັນຊ່ຽວຊານດ້ານກົດໝາຍອາຍາ.
ໂຮງຮຽນກົດໝາຍລະດູແລ້ງນີ້ ມີຈຸດປະສົງເພື່ອໃຫ້ຜູ້ເຂົ້າຮ່ວມມີຄວາມຮູ້ທາງດ້ານທິດສະດີ ແລະ ພາກປະຕິບັດຕົວຈິງ. ໃນແຕ່ລະວາລະ ໄດ້ປະກອບມີພາກປະຕິບັດຕົວຈິງ ທີ່ໄດ້ເຊື່ອມໂຍງທິດສະດີກັບສົມມຸດຖານບັນຫາທາງກົດຫມາຍ.
ມື້ທີ 1 ຂອງໂຮງຮຽນກົດໝາຍລະດູແລ້ງ ໄດ້ລົງເລິກເພື່ອກໍານົດຂອບເຂດຂອງຫຼັກການພື້ນຖານສາກົນ ແລະ ຄວາມເປັນສາກົນ (ICCPR, ມາດຕາ 15) ແລະ ແຫຼ່ງທີ່ມາພາຍໃນ (ມາດຕາ 4 ຂອງປະມວນກົດໝາຍອາຍາຂອງລາວ). ຜູ້ເຂົ້າຮ່ວມ ໄດ້ເອົາໃຈໃສ່ເປັນພິເສດໃນການພິຈາລະນາມາດຕະຖານ ເພື່ອຄວາມຊັດເຈນທາງກົດໝາຍ ແລະ ຄວາມຈຳເປັນ ທີ່ຈະຊອກຫາຄວາມສົມດູນລະຫວ່າງຄວາມຢືດຢຸນ ແລະ ຄວາມຫນ້າເຊື່ອຖືຂອງຂໍ້ກໍານົດທາງດ້ານກົດຫມາຍ. ໃນລະຫວ່າງການເຮັດກິດຈະກຳເປັນກຸ່ມ, ຜູ້ເຂົ້າຮ່ວມຕ້ອງໄດ້ກໍານົດ ແລະ ປະເມີນຂໍ້ກໍານົດທາງດ້ານກົດຫມາຍທີ່ບໍ່ຈະແຈ້ງ ແລະ ບໍ່ຊັດເຈນໃນຂໍ້ກໍານົດຂອງປະມວນກົດຫມາຍອາຍາທີ່ເລືອກໄວ້. ຜູ້ເຂົ້າຮ່ວມໄດ້ສົນທະນາກັນຢ່າງຫ້າວຫັນ ວ່າສາມາດເຂົ້າໃຈຄໍາສັບທີ່ບໍ່ຈະແຈ້ງໄດ້ ໂດຍຜ່ານວິທີການຕີຄວາມສະເພາະ ຫຼື ບໍ່ ຫຼື ວ່າຄຳເຫຼົ່ານັ້ນບໍ່ຈະແຈ້ງເກີນໄປ ແລະ ຄວນໄດ້ຮັບການຊີ້ແຈງ / ປັບປຸງໂດຍສະມາຊິກນິຕິບັນຍັດ.
ມື້ທີ 2 ໄດ້ລົງເລິກກ່ຽວກັບ Lex Certa ໃນການນໍາໃຊ້ກົດຫມາຍ. ຜູ້ເຂົ້າຮ່ວມໄດ້ຮຽນຮູ້ກ່ຽວກັບເຕັກນິກການຕີຄວາມໝາຍ. ໃນຕອນບ່າຍ, ຜູ້ເຂົ້າຮ່ວມໄດ້ແບ່ງອອກເປັນ 4 ກຸ່ມເພື່ອແກ້ໄຂບັນຫາທາງດ້ານກົດໝາຍ ຕາມສົມມຸດຖານທີ່ອາຈານສອນໄດ້ມອບໃຫ້. ການຊົດເຊີຍຄ່າເສຍຫາຍ ແມ່ນໄດ້ເຮັດໃນຮູບແບບຂອງບົດບາດທີ່ກ່ຽວຂ້ອງກັບການຮ້ອງຟ້ອງ ແລະ ໃນຖານະເປັນໄອຍະການ ຫຼື ຈໍາເລີຍ.
ມື້ທີ 3 ໄດ້ລົງເລິກກ່ຽວກັບ Lex Certa ໃນການສ້າງກົດຫມາຍ. ຜູ້ເຂົ້າຮ່ວມໄດ້ພິຈາລະນາ ການສ້າງນິຕິກໍາທີ່ດີ ທີ່ກ່ຽວຂ້ອງກັບຄວາມແນ່ນອນທາງດ້ານກົດຫມາຍ. ໃນຕອນບ່າຍ, ຜູ້ເຂົ້າຮ່ວມໄດ້ຮ່າງກົດໝາຍ ຖານຄວາມຜິດກ່ຽວກັບ “ຂ່າວປອມ”.
ຜູ້ເຂົ້າຮ່ວມທັງໝົດໄດ້ສະແດງຄວາມກະຕືລືລົ້ນ ແລະ ຫ້າວຫັນໃນລະຫວ່າງການຝຶກອົບຮົມດັ່ງກ່າວ ແລະ ໄດ້ສົນທະນາ ຖາມ-ຕອບ ຢ່າງກະຕືລືລົ້ນກັບຜູ້ບັນຍາຍ ແລະ ຜູ້ເຂົ້າຮ່ວມດ້ວຍກັນ. ຜູ້ເຂົ້າຮ່ວມໄດ້ຮຽນຮູ້ເຖິງຄວາມສຳຄັນ ຂອງການເຄົາລົບຫຼັກການຂອງກົດໝາຍໃນທຸກສາຂາ. ຜູ້ເຂົ້າຮ່ວມທັງໝົດແມ່ນໄດ້ຮັບລາຍການອ່ານ ພ້ອມດ້ວຍ ອຸປະກອນການສະໜັບສະໜູນການຮຽນຮູ້ເຊັ່ນ: ບົດອະທິບາຍປຶ້ມແບບຮຽນ, ການອ້າງອີງເຖິງຄະດີຂອງໄທ, ຂໍ້ຍ່ອຍຂອງປະມວນກົດໝາຍອາຍາອາຊີຕາເວັນອອກສ່ຽງໃຕ້ ເພື່ອເສີມສ້າງຄວາມຮູ້ໃຫ້ແກ່ຜູ້ເຂົ້າຮ່ວມ.
ຂ່າວສານ
ໃນຂອບເຂດວຽກງານ ຂອງໂຄງການຮ່ວມມືລະຫວ່າງມະຫາວິທະຍາໄລ ລາວ-ລຸກຊຳບວກ, ມະຫາວິທະຍາໄລລຸກຊຳບວກໄດ້ຈັດຕັ້ງ ການບັນຍາຍທາງອອນລາຍພິເສດກ່ຽວກັບ “ຂະບວນການທົບທວນປະຈຳໄລຍະກ່ຽວກັບສິດທິມະນຸດ (UPR)” ຂຶ້ນໃນວັນທີ 11 ພຶດສະພາ 2022. ພວກເຮົາມີຄວາມປິຕິຍິນດີທີ່ໄດ້ຕ້ອນຮັບທ່ານ Seán O’Connell, ຫົວໜ້າພະແນກການປົກຄອງ ຜູ້ຊ່ວຍຕາງໜ້າ ອົງການສະຫະປະຊາຊາດ ວ່າດ້ວຍການພັດທະນາປະຈຳ ສປປ ລາວ (UNDP Lao PDR). ກ່ອນໜ້ານີ້ ທ່ານ Sean ເປັນເຈົ້າໜ້າທີ່ດ້ານສິດທິມະນຸດ ແລະ ດ້ານລັດແຫ່ງກົດໝາຍ ຂອງ UNDP ທີ່ປະເທດຫວຽດນາມ, ເຮັດວຽກກ່ຽວກັບກົນໄກ ກາຮລາຍງານດ້ານສິດທິມະນຸດສາກົນ ແລະ ທຸລະກິດ ແລະ ສິດທິມະນຸດ.
ຜູ້ບັນຍາຍໄດ້ແນະນໍາຜູ້ເຂົ້າຮ່ວມກ່ຽວກັບ ຂະບວນການທົບທວນປະຈຳໄລຍະກ່ຽວກັບສິດທິມະນຸດ (UPR). ການທົບທວນປະຈຳໄລຍະກ່ຽວກັບສິດທິມະນຸດ (UPR) ແມ່ນການດໍາເນີນໂດຍສະພາສິດທິມະນຸດຂອງອົງການສະຫະປະຊາຊາດ ແລະ ກ່ຽວຂ້ອງກັບການກວດກາເປັນໄລຍະດ້ານສິດທິມະນຸດຂອງທັງໝົດ 193 ປະເທດສະມາຊິກຂອງອົງການສະຫະປະຊາຊາດ. ທີ່ເປີດໂອກາດໃຫ້ທຸກລັດ ໄດ້ທົບທວນ ແລະ ລາຍງານວ່າເຂົາເຈົ້າໄດ້ມີການປະຕິບັດແນວໃດ ເພື່ອປັບປຸງສະຖານະການສິດທິມະນຸດໃນປະເທດຂອງເຂົາເຈົ້າ. (ເບິ່ງສໍາລັບລາຍລະອຽດເພີ່ມເຕີມ: https://www.ohchr.org/en/hr-bodies/upr/basic-facts).
ທ່ານ O’Connell ໄດ້ອະທິບາຍສາມຂັ້ນຕອນຂອງຂະບວນການທົບທວນ. ທຳອິດແມ່ນ “ການທົບທວນລ່ວງໜ້າ”, ອີງໃສ່ຂໍ້ມູນທີ່ສະໜອງໃຫ້ໂດຍລັດພາຍໃຕ້ການກວດກາ (ບົດລາຍງານແຫ່ງຊາດ), ກ່ຽວກັບບົດລາຍງານຂອງອົງການສະຫະປະຊາຊາດ ແລະ ຂໍ້ມູນຈາກບັນດາສະຖາບັນສະມາຊິກຂອງອົງການສະຫະປະຊາຊາດ ແລະ ສັງຄົມພົນລະເຮືອນ. ຂັ້ນຕອນທີສອງແມ່ນການທົບທວນຄືນທີ່ປະກອບດ້ວຍການສົນທະນາໂຕ້ຕອບລະຫວ່າງລັດທີ່ໄດ້ຮັບການທົບທວນຄືນ ແລະ ປະເທດສະມາຊິກສະຫະປະຊາຊາດອື່ນໆ, ບ່ອນທີ່ຂໍ້ສະເຫນີແນະສາມາດຮັບເອົາ ຫຼື ຖືກບັນທຶກໄວ້. ຂັ້ນຕອນທີສາມແມ່ນການທົບທວນຄືນຫຼັງຈາກການຕິດຕາມກວດກາການປະຕິບັດຄໍາແນະນໍາທີ່ໄດ້ເກີດຂຶ້ນ.
ການນໍາສະເຫນີຍັງໄດ້ຍົກຕົວຢ່າງບາງ ການປະຕິບັດທີ່ດີຈາກລັດທີ່ມີສ່ວນຮ່ວມໃນ UPR.
ໃນຕອນທ້າຍຂອງກອງປະຊຸມ, ທ່ານ O’Connell ໄດ້ດໍາເນີນ ການຫຼິ້ນເກມ Kahoot ເພື່ອທົດສອບຄວາມຮູ້ຂອງນັກສຶກສາທີ່ເຂົ້າຮ່ວມ. ນັກສຶກສາ ໄດ້ປະກອບສ່ວນ ແລະ ມີສ່ວນຮ່ວມຢ່າງຫ້າວຫັນໃນການຫຼິ້ນເກມຕອບຄຳຖາມ ເຊັ່ນດຽວກັນກັບໃນເວລາທີ່ຢູ່ກອງປະຊຸມ Q & A.
ການບັນຍາຍແມ່ນໄດ້ຈັດຂື້ນຜ່ານ Zoom ໂດຍຜູ້ເຂົ້າຮ່ວມທັງໝົດ 73 ຄົນ, ປະກອບມີນັກສຶກຈາກ ຄນລ , ພ້ອມດຽວກັນນັ້ນ ກໍມີອາຈານສິດທິມະນຸດ ແລະ ພະນັກງານວິຊາການຈາກຄະນະນິຕິສາດ ແລະ ລັດຖະສາດເຂົ້າຮ່ວມຟັງການບັນຍາຍ.
ການທົບທວນປະຈຳໄລຍະກ່ຽວກັບສິດທິມະນຸດເປັນພາສາລາວ, ສາມາດເຂົ້າເບີ່ງໄດ້ທີ່: http://www.mofa.gov.la/images/legal-documents/upr.pdf
ຂ່າວສານ
ພາຍໃຕ້ໂຄງການຮ່ວມມືລະຫວ່າງມະຫາວິທະຍາໄລລາວ-ລຸກຊຳບວກ, ມະຫາວິທະຍາໄລລຸກຊຳບວກ ໄດ້ຈັດການສາຍຮູບເງົາທາງດ້ານກົດໝາຍ ເປັນຄັ້ງທຳອິດໃນວັນທີ 30 ເດືອນມີນາ ປີ 2022. ຈຸດປະສົງແມ່ນເພື່ອຜັນຂະຫຍາຍຄວາມຮູ້ທາງດ້ານກົດໝາຍ ແລະ ວັດທະນະທຳຂອງຮູບເງົາ ໃນແງ່ທີ່ສ້າງສັນ ແລະ ມີຄວາມມ່ວນຊື່ນ. ນັກສຶກສາຈະໄດ້ມີໂອກາດໄດ້ຮຽນຮູ້ເພີ່ມເຕີມ ກ່ຽວກັບຄວາມຍຸດຕິທຳສາກົນ ແລະ ລະບົບກົດໝາຍອື່ນໆ. ຮູບເງົາສ່ວນໃຫ່ຍທີ່ພວກເຮົາວາງແຜນຈະສາຍ ແມ່ນເປັນພາສາອັງກິດທັງໝົດ, ເພື່ອໃຫ້ນັກຮຽນສາມາດ ປັບປຸງທັກສະທາງດ້ານພາສາອັງກິດ ແລະ ພັດທະນາຄຳສັບທາງດ້ານກົດໝາຍຂອງເຂົາເຈົ້າ.
ການສາຍຮູບເງົາດັ່ງກ່າວ ແມ່ນໄດ້ຈັດຂື້ນ ພາຍໃຕ້ການຮ່ວມມືກັບ ທ່ານ ອາຈານ ຄອນສະຫວັນ ວົງວັນນະໄຊ, ອາຈານສອນກົດໝາຍສິດທິມະນຸດ ແລະ ມີນັກສຶກສາຈາກຄະນະນິຕິສາດ ແລະ ລັດຖະສາດ, ພາກພົວພັນສາກົນ ເຂົ້າຮ່ວມຈຳນວນ 21 ນ້ອງ.
ສຳລັບການສາຍຮູບເງົາຄັ້ງທຳອິດນີ້, ພວກເຮົາໄດ້ສານຮູບເງົາເລື່ອງ “First They Killed My Father” ທີ່ກຳກັບການສະແດງໂດຍ Angelina Jolie ເຊີ່ງໄດ້ສາຍ ແລະ ລົງ Netflix ໃນປີ 2017 ແລະ ໄດ້ຮັບລາງວັນ ຫຼາຍລາງວັນ, ຮູບເງົາແມ່ນອີງຕາມເລື່ອງຈິງຂອງ ນາງ Luong Ung ແລະ ເລື່ອງຈາກປື້ມຂຽນຂອງນາງ ທີ່ຕີພິມ ແລະ ຈັດຈຳໜ່າຍໃນ ປີ 2000. ເຊີ່ງຮູບເງົາໄດ້ສະແດງໃຫ້ເຫັນເຖິງເລື່ອງລາວ ຂອງຄອບຄົວຂອງນາງ ທີ່ຢູ່ໃນຄ້າຍໃຊ້ແຮງງານໃນປະເທດກຳປູເຈຍ ແລະ ການເຂົ້າເປັນທະຫານເດັກ ພາຍໃຕ້ການປົກຄອງຂອງ ລະບອບຂະເໝນແດງ ໃນຊຸມປີ 1970.
ໃນຕອນທ້າຍຂອງການສາຍຮູບເງົາຄັ້ງນີ້, ນັກສຶກສາຝຶກງານຂອງທາງໂຄງການ ນາງ ເມນິກາ ພົງສາ ໄດ້ດຳເນີນພາຫຼີ້ນເກມ Kahoot ທີ່ໄດ້ກະກຽມຄຳຖາມໂດຍ ທ່ານ ເພີລິນ ຊີມອນ ເພື່ອທົດສອບຄວາມຮູ້ທາງດ້ານ ກົດໝາຍອາຍາສາກົນ ແລະ ການເຊື່ອມໂຍງຮູບເງົາ ກັບກົດໝາຍອາຍາສາກົນ ທີ່ກ່ຽວຂ້ອງກັບ “ການຂ້າລ້າງເຜົ່າພັນ”, ອາຊະຍາກຳຕ້ານມວນມະນຸດ ແລະ ອາສະຍາກຳສົງຄາມ ແລະ ສານພິເສດທີ່ໃຊ້ພິຈາລະນາຄະດີການຂ້າລ້າງເຜົ່າພັນຂະເໝນແດງ ຂອງກຳປູເຈຍ. ແລະ ຜູ້ຊະນະໃນການຕອບຄຳຖາມ ໄດ້ແກ່ ນາງ ສຸດລາສີ ຢ່າເກົາມະນີ ເຊີ່ງໄດ້ຮັບລາງວັນເປັນກະເປົາຜ້າຈາກທາງໂຄງການຂອງພວກເຮົາ.
ຂ່າວສານ
ມະຫາວິທະຍາໄລລຸກຊຳບວກ ສະໜັບສະໜູນການຮຽນຮູ້ຈາກການແກ້ບັນຫາ(PBL) ຜ່ານການເຝິກອົບຮົມໃຫ້ຄູ-ອາຈານ ຄົນລາວ ເພື່ອກຽມຄວາມພ້ອມສູ່ການເປັນ “ຄູເຝິກສານຈຳລອງ”. ອີງຕາມຜົນສໍາເລັດ “ການເຝິກອົບຮົມຄູເຝິກ” ສານຈໍາລອງຄັ້ງທໍາອິດ ໃນເດືອນພະຈິກ ປິ 2021, ຄູ-ອາຈານ ກໍມີຄວາມກະຕືລືລົ້ນ ທີ່ຢາກຈະລົງເລິກທັກສະ ແລະ ມີຄວາມຕັ້ງໃຈຢາກສືບຕໍ່ຝຶກອົບຮົມ ກັບ ດຣ. ປະພາວະດີ ທະໂນດົມເດດ ຈາກມະຫາວິທະຍາໄລຈຸລາລົງກອນ ປະເທດໄທ. ດຣ. ປະພາວະດີ ເປັນອາຈານສອນທີ່ມະຫາວິທະຍາໄລຈຸລາລົງກອນ ໃນລາຍວິຊາກົດໝາຍລະຫວ່າງຊາດພາກລັດ, ເປັນຄູເຝິກໃຫ້ແກ່ທີມຕົວແທນຂອງ ມ. ຈຸລາ ໃນການແຂ່ງຂັນສານຈຳລອງ Philips C. Jessup International Moot Court Competition 2021 ແລະ ຍັງມີສ່ວນຮ່ວມໃນການແຂ່ງຂັນສານຈຳລອງວ່າດ້ວຍກົດໝາຍມະນຸດສະທຳສາກົນຂອງໄທ ທີ່ຈັດໂດຍຄະນະກຳມະການກາແດງສາກົນ.
ການເຝິກອົບຮົມ ແມ່ນຈັດຜ່ານທາງອອນລາຍ ໃນລະຫວ່າງ ວັນທີ 1- 24 ມີນາ ປີ 2022, ເຊີ່ງມີອາຈານເຂົ້າຮ່ວມທັງໝົດ 15 ທ່ານ ຈາກ ຄະນະນິຕິສາດ ແລະ ລັດຖະສາດ ຂອງ ມະຫາວິທະຍາໄລແຫ່ງຊາດ (ຄນລ ມຊ) ແລະ ຄະນະນິຕິສາດ ແລະ ລັດຖະສາດ ຂອງ ມະຫາວິທະຍາໄລຈຳປາສັກ (ຄນລ ມຈ)
ຈຸດປະສົງຫຼັກຂອງການເຝິກອົບຮົມໃນຄັ້ງນີ້ ແມ່ນເພື່ອສ້າງຄວາມເຂົ້າໃຈກ່ຽວກັບບັນຫາທາງດ້ານກົດໝາຍຂອງ ກົດໝາຍມະນຸດສະທຳສາກົນ (IHL) ແລະ ກົດໝາຍອາຍາສາກົນ (ICL) ແລະ ທັກສະການຖະແຫຼງການດ້ວຍວາຈາ ເພື່ອກຽມຄວາມພ້ອມໃຫ້ ອາຈານ ໃນການເປັນຄຸເຝິກສານຈຳລອງ. ການເຝິກອົບຮົມແມ່ນດຳເນີນເປັນພາສາໄທ ແລະ ໄດ້ແບ່ງອອກເປັນ 4 ພາກ. ໃນພາກທຳອິດໄດ້ກວມເອົາ ບັນຫາສະເພາະທາງດ້ານກົດໝາຍໃດໜື່ງ(ເອົາມາຈາກ ໂຈດການແຂ່ງຂັນ ເທື່ອທີ່ແລ້ວ) ແລະ ບັນດາແຫຼ່ງຂໍ້ມູນທາງດ້ານກົດໝາຍ/ ເອກະສານທີ່ໃຊ້ໃນການຄົ້ນຄວ້າ. ໃນພາກທີ 2 ໄດ້ກວມເອົາ ເຂດອຳນາດສານ ຂອງສານອາຍາສາກົນ (ICC) ແລະ ການນໍາໃຊ້ເຂດອໍານາດສານກັບຄະດີຕົວຈິງທີ່ເກີດຂື້ນກ່ອນ ສານອາຍາສາກົນ. ໃນພາກທີ່ສາມ ແມ່ນໄດ້ເວົ້າເຖິງ “ອາດຊະຍາກຳສົງຄາມ ໃນການບັງຄັບໃຫ້ສະເລີຍເສິກ ຫຼື ຜູ້ໄດ້ຮັບການຄຸ້ມຄອງເຂົ້າຮ່ວມກອງກຳລັງສັດຕູ” ແລະ ອົງປະກອບຂອງການກະທຳຜິດນີ້, ພ້ອມທັງຄວາມຮັບຜິດຊອບທາງອາຍາ. ຜູ້ບັນຍາຍ ໄດ້ແບ່ງອາຈານອອກເປັນ 2 ກຸ່ມ ເພື່ອທີ່ຈະເຮັດວຽກຮ່ວມກັນ ແລະ ກະກຽມການຖະແຫຼງການດ້ວຍວາຈາ ໃນນາມຂອງ ທະນາຍ ແລະ ໄອຍະການ ແລະ ໄດ້ມີການ ຖະແຫຼງການດ້ວຍວາຈາ ຕົວຈິງໃນ ພາກສຸດທ້າຍຂອງການເຝິກອົບຮົມ.
ໃນຊ່ວງໄລຍະຂອງການເຝິກອົບຮົມ, ຜູ້ເຂົ້າຮ່ວມໄດ້ມີໂອກາດເຮັດວຽກເປັນທີມ ໂດຍການແຍກຫ້ອງ ແລະ ໄດ້ວຽກບ້ານ ເພື່ອໄປຄົ້ນຄ້ວາ ແລະ ກຽມການຖະແຫຼງການດ້ວຍວາຈາ. ໃນການເຝິກແບບປະຕິບັດຕົວຈິງແບບນີ້ ໄດ້ເຮັດໃຫ້ຜູ້ເຂົ້າຮ່ວມ ໄດ້ຮັບຄວາມເຂົ້າໃຈຢ່າງເລິກເຊີ່ງ ໃນການ ຖະແຫຼງການດ້ວຍວາຈາຂອງສານຈຳລອງ. ດຣ. ປະພາວະດີ ຍັງໄດ້ເວົ້າກ່ຽວກັບປະສົບການການເປັນຄູເຝິກເອງທີ່ປະເທດໄທ ແລະ ວິທີການໃນການຖະແຫຼງການດ້ວຍວາຈາ ທີ່ດີ.
ການເຝິກອົບຮົມ ແມ່ນໄດ້ຮັບໜາກຜົນທີ່ດີ ແລະ ເປັນບາດກ້າວອັນສຳຄັນ ໃນການຮ່ວມມື ດ້ານສານຈຳລອງ ກັບມະຫາວິທະຍາໄລໃນໄທ. ໂຄງການຮ່ວມມືລະຫວ່າງມະຫາວິທະຍາໄລ ມີແຜນທີ່ຈະຂະຫຍາຍການຮ່ວມມື ກັບ ປະເທດໄທ ໂດຍການ ຈັດການແຂ່ງຂັນສານຈຳລອງ ເປັນພາສາໄທ ໂດຍນັ້ນໃສ່ການຕັດສິນຄະດີອາຍາສາກົນ ທີ່ງ່າຍກວ່າ, ໂດຍຈະນຳເອົາຄູເຝິກຄົນລາວ ຄົນໃໝ່ ເພື່ອຝຶກໃຫ້ແກ່ ທີກນັກສຶກສາລາວ 2-3 ທີມ. ການແຂ່ງຂັນແມ່ນອາດຈະເປັນເຈົ້າພາບໂດຍ ມະຫາວິທະຍາໄລທຳມະສາດ ຫຼື ມະຫາວິທະຍາໄລຈຸລາລົງກອນ, ທີ່ກຸງເທບ ໃນລະຫວ່າງຕົ້ນປີ 2023.
ຂ່າວສານ
ພວກເຮົາຂໍສະແດງຄວາມຍິນດີອີກ ກັບທີມຕົວແທນປະເທດລາວທີ່ໄດ້ເຂົ້າຮ່ວມການແຂ່ງຂັນສານ ຈໍາລອງ ວ່າດ້ວຍກົດຫມາຍມະນຸດສະທໍາສາກົນ ຂອງອົງການກາແດງສາກົນ ເຊິ່ງໄດ້ຈັດຂຶ້ນຜ່ານທາງອອນລາຍອີກຄັ້ງ ເນື່ອງຈາກການລະບາດຂອງພະຍາດ Covid-19, ນັບແຕ່ວັນທີ 9-13 ເດືອນມີນາ ປີ 2022. ມະຫາວິທະຍາໄລລຸກຊໍາບວກ ກໍໄດ້ສະຫນັບສະຫນູນຊ່ວຍເຫຼືອ ມະຫາວິທະຍາໄລແຫ່ງຊາດລາວໃນການເຂົ້າຮ່ວມແຂ່ງຂັນຮອບສາກົນໃນຄັ້ງນີ້. ດຣ. ເພີຣີນ ຊິມອນ ຜູ້ປະສານງານຈາກມະຫາວິທະຍາໄລລຸກຊໍາບວກ ໄດ້ເປັນຜູ້ຝຶກໃນລະຫວ່າງເດືອນມັງກອນ ເຖິງເດືອນມີນາ ແລະ ໄດ້ອໍານວຍສະຖານທີ່ໃຫ້ຜູ້ເຂົ້າແຂ່ງຂັນທີ່ຫ້ອງການຂອງ ໂຄງການພວກເຮົາ ຄະນະນິຕິສາດ ແລະ ລັດຖະສາດ.
ຫຼັງຈາກຍາດໄດ້ໄຊຊະນະຈາກການແຂ່ງຂັນລະດັບປະເທດ ໃນເດືອນທັນວາ ປີ 2021 ທີມຕົວແທນປະເທດລາວໄດ້ມີການເຝິກຊ້ອມ ຢ່າງຂຸ້ນຂ້ຽວຈົນເຖິງມື້ສຸດທ້າຍ ຂອງການແຂ່ງຂັນ. ຜູ້ເຂົ້າແຂ່ງຂັນໄດ້ເຮັດວຽກຢ່າງໜັກ ແລະ ໄດ້ເອົາໃຈໃສ່ ຕັ້ງໃຈກັບການແຂ່ງຂັນສານຈໍາລອງຄັ້ງນີ້ຫຼາຍ ຍ້ອນວ່າຈະໄດ້ນໍາໃຊ້ກົດຫມາຍອາຍາສາກົນໄປແຂ່ງຂັນກັບບັນດາມະຫາວິທະຍາໄລອື່ນໃນພາກພື້ນອາຊີ-ປາຊິຟິກ ເຊິ່ງແຂ່ງຂັນເປັນພາສາອັງກິດ ທັງຫມົດ.
ຫຼັງຈາກມື້ຂອງການແຂ່ງຂັນ ດ້ວຍຈໍານວນທີມນັກສຶກສາທີ່ເຂົ້າຮ່ວມທັງຫມົດ 24 ທີມ ຂອງນັກສຶກສາກົດໝາຍທົ່ວອາຊີ-ປາຊີຟິກ. ທີມຊະນະເລີດໄດ້ແກ່ ມະຫາວິທະຍາໄລບໍລິຫານສິງກະໂປ(ໂຮງຮຽນກົດໝາຍ Yong Pung How), ລາງວັນຮອງຊະນະເລີດໄດ້ແກ່ ມະຫາວິທະຍາໄລ Gadjah Mada(ຄະນະກົດໝາຍ), Dylan Jesse Andrian ຈາກມະຫາວິທະຍາໄລຮົງກົງ ໄດ້ລາງວັນຜູ້ວ່າຄວາມດີເດັ່ນ, ມະຫາວິທະຍາໄລຈີນ ໃນ ຮົງກົງໄດ້ຮັບລາງວັນ ດີເດັ່ນໃນການຂຽນຄໍາສັ່ງຟ້ອງ/ຄໍາແກ້ຟ້ອງຝ່າຍໄອຍະການ ແລະ ລາງວັນດີເດັ່ນໃນ ການຂຽນຄໍາສັ່ງຟ້ອງ/ຄໍາແກ້ຟ້ອງຝ່າຍທະນາຍ ຕົກເປັນຂອງ ມະຫາວິທະຍາໄລຈຸລາລົງກອນ. ທີມທີ່ໄດ້ເຂົ້າຮອບຮອງຊະນະເລີດໄດ້ແກ່: ມະຫາວິທະຍາໄລອິດສະລາມສາກົນ ມາເລເຊຍ, ມະຫາວິທະຍາໄລບໍລິຫານສິງກະໂປ, ມະຫາວິທະຍາໄລຮົງກົງ, ມະຫາວິທະຍາໄລໂຕກຽວ, ມະຫາວິທະຍາໄລນິວເຊົ້າເວລ, ມະຫາວິທະຍາໄລ Gadjah Mada, ມະຫາວິທະຍາໄລ San Austinc ແລະ ມະຫາວິທະຍາໄລວິກຕໍເລຍ ວິວລິງຕັນ. ສຳລັບລາຍລະອຽດເພີ່ມເຕີມກ່ຽວກັບຜົນການແຂ່ງຂັນ ສານຈຳລອງ ວ່າດ້ວຍກົດໝາຍມະນຸດສະທໍາສາກົນ ລະດັບສາກົນ ຄັ້ງທີ 20, ທ່ນສາມາດກົດເຂົ້າໄປທີ່ລິງນີ້: https://www.redcross.org.hk/en/moot20/results.html
ທີມຈາກປະເທດລາວບໍ່ໄດ້ຜ່ານເຂົ້າຮອບ 8 ທີມສຸດທ້າຍ.ທີມເຂົ້າແຂ່ງຂັນໄດ້ຮັບຄໍາ ແຕ່ທີມລາວກໍໄດ້ຮັບຍ້ອງຍໍຈາກຄະນະກໍາມະການຕັດສິນໃນການແຂ່ງຂັນໃນພາກການວ່າຄວາມເບື້ອງຕົ້ນ ແລະ ໄດ້ຄະແນນດີຫຼາຍໃນພາກການຂຽນຄໍາສັ່ງຟ້ອງ/ຄໍາແກ້ຟ້ອງເຊີ່ງສະເລ່ຍແມ່ນໄດ້ລະດັບ ດີ ແລະ ດີຫຼາຍ.
ສານຈໍາລອງຄັ້ງນີ້ ທີ່ຈັດຂື້ນໂດຍອົງການກາແດງສາກົນ ເປັນການກະຕຸ້ນການຄິດວິເຄາະໂດຍໃຊ້ ກົດຫມາຍ, ຊ່ວຍໃຫ້ເຮົາຮຽນຮູ້ທີ່ຈະຫາຈຸດຢືນຂອງຕົນ. ພ້ອມກັນນັ້ນນັກສຶກສາຍັງໄດ້ມີໂອກາດພັດທະນາ ທັກສະການນໍາສະເຫນີ, ການໂຕ້ວາທີ ແລະ ພາສາອັງກິດອີກດ້ວຍ!
ຂ່າວສານ
ພາຍໃຕ້ໂຄງການຮ່ວມມືລະຫວ່າງມະຫາວິທະຍາໄລລາວ-ລຸກຊຳບວກ, ມະຫາວິທະຍາໄລລຸກຊຳບວກໄດ້ຈັດການບັນຍາຍພິເສດທາງອອນລາຍຂື້ນ ໃນຫົວຂໍ້: “ບົດບັນຍັດສາກົນວ່າດ້ວຍສິດທິມະນຸດ” ໃນວັນທີ 23 ເດືອນ ກຸມພາ ປີ 2022 . ທາງໂຄງການມີໂອກາດຕ້ອນຮັບ Dr. Başak Bağlayan ນັກຄົ້ນຄວ້າຫຼັງປະລິນຍາເອກ ຈາກມະຫາວິທະຍາໄລລຸກຊຳບວກອີກຄັ້ງ. ການບັນຍາຍຂອງ Dr.Başak Bağlayan ແມ່ນໄດ້ເນັ້ນໜັກ ໃສ່ “ບົດບັນຍັດສາກົນວ່າດ້ວຍສິດທິມະນຸດ” ຊຶ່ງເພິ່ນໄດ້ບັນຍາຍກ່ຽວກັບບັນດາເຄື່ອງມື ໃນການສ້າງ ບົດບັນຍັດດັ່ງກ່າວນີ້ ເຊັ່ນວ່າ: ຖະແຫຼງການສິດທິມະນຸດ, ສົນທິສັນຍາວ່າດ້ວຍ ສິດທິພົນລະເມືອງ ແລະ ສິດທິທາງການເມືອງ (ICCPR), ສົນທິສັນຍາສາກົນກ່ຽວກັບສິດທິທາງດ້ານເສດຖະກິດ, ສັງຄົມ ແລະ ວັດທະນະທຳ (ICESCR) ແລະ ອານຸສັນຍາເພີ່ມເຕີມຂອງ ICCPR. Ms. Bağlayan ໄດ້ອະທິບາຍຢ່າງລະອຽດກ່ຽວກັບເນື້ອໃນຂອງບັນດາເຄື່ອງມື ເຫຼົ່ານີ້ ລວມທັງສະຖານະທາງດ້ານກົດໝາຍ. ການນຳສະເໜີແມ່ນໄດ້ສຸມໃສ່ການຈັດຕັ້ງປະຕິບັດ ແລະ ກົນໄກການຕິດຕາມ ແລະ ຂອບເຂດການນຳໃຊ້ ICCPR ແລະ ICESC. Dr.Başak Bağlayan ໄດ້ສະຫຼຸບການບັນຍາຍໂດຍການອະທິບາຍລາຍລະອຽດ ໃນການນໍາໃຊ້ສົນທິສັນຍາເຫຼົ່ານັ້ນ.
ໃນການບັນຍາຍແມ່ນມີຜູ້ເຂົ້າຮ່ວມທັງໝົດ 117 ຄົນ ໃນນັ້ນປະກອບມີ ພະນັກງານ, ຄູ-ອາຈານ ແລະ ນັກສຶກສາຈາກຄະນະນິຕິສາດ ແລະ ລັດຖະສາດ, ອາຈານຈາກສະຖາບັນຍຸຕິທຳແຫ່ງຊາດ ,ອາຈານຈາກຄະນະນິຕິສາດ ແລະ ລັດຖະສາດ ແຂວງຈຳປາສັກ ຜ່ານທາງຊູມ. ຜູ້ເຂົ້າຮ່ວມມີຄວາມກະຕືລືລົ້ນ ແລະ ມີການປະກອບສ່ວນຖາມຄຳຖາມກັບຜູ້ບັນຍາຍ.
ຂ່າວສານ
ມະຫາວິທະຍາໄລ ລຸກຊຳບວກ ຂໍຖືເປັນກຽດປະກາດເປີດຮັບໃບສະໝັກ ເພື່ອຄັດເລືອກພະນັກງານວິຊາການໃນຂົງເຂດກົດໝາຍຈາກ ຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ ທີ່ສົນໃຈດຳເນີນການຄົ້ນຄວ້າພາຍໃຕ້ການເປັນທີ່ປຶກສາຂອງ ໂຄງການຮ່ວມມືລະຫວ່າງມະຫາວິທະຍາໄລ ລາວ-ລຸກຊຳບວກ.
ເງື່ອນໄຂ
ໂປຣແກຣມການຄົ້ນຄວ້ານີ້ ແມ່ນມີຈຸດປະສົງໃຫ້ບັນດາຄູອາຈານໄດ້ພັດທະນາທັກສະທາງວິຊາການ ແລະ ທັກສະການຄົ້ນຄວ້າໃນຂົງເຂດກົດໝາຍ ເພື່ອເພີ່ມສັກກະຍະພາບຂອງຄະນະນິຕິສາດ ແລະ ລັດຖະສາດ ຂອງມະຫາວິທະຍາໄລແຫ່ງຊາດໄດ້ໃນໄລຍະຍາວ. ຜູ້ສະໝັກ ຕ້ອງເປັນຄູອາຈານຈາກ ຄະນະນິຕິສາດ ແລະ ລັດຖະສາດ ຂອງ ມະຫາວິທະຍາໄລແຫ່ງຊາດ ທີ່ຈົບການສຶກສາລະດັບປະລິນຍາຕີຂຶ້ນໄປ ໃນສາຂາກົດໝາຍ ຫຼື ກ່ຽວກັບກົດໝາຍ. ການສະໝັກ ແມ່ນບໍ່ມີການກຳນົດເງື່ອນໄຂທາງດ້ານອາຍຸ. ຜູ້ສະໝັກຈະໄດ້ຮັບເລືອກອີງຕາມຄວາມເໝາະສົມ. ມະຫາວິທະຍາໄລລຸກຊຳບວກມີສິດເຕັມທີໃນການຄັດເລືອກ ຫຼື ປະຕິເສດການສະໜັກ.
ເພື່ອສອດຄ່ອງກັບ “ຍຸດທະສາດການຮ່ວມມືທົ່ວໄປຂອງລຸກຊຳບວກ ເພື່ອການພັດທະນາແບບຍືນຍົງ – ຫົນທາງສູ່ປີ 2030”, ໂຄງການຮ່ວມມືລະຫວ່າງມະຫາວິທະຍາໄລ ໄດ້ເປີດຮັບບົດສະເໜີການຄົ້ນຄວ້າທີ່ນອນໃນຂົງເຂດດັ່ງນີ້:
- ລັດທີ່ປົກຄອງ ແລະ ບໍລິຫານໂດຍກົດໝາຍ ຫຼື ລັດແຫ່ງກົດໝາຍ;
- ສິດທິພື້ນຖານ;
- ຄວາມສະເໝີພາຍຍິງຊາຍ;
- ຄວາມຍືນຍົງທາງສິ່ງແວດລ້ອມ ແລະ ການປົກປັກຮັກສາດິນຟ້າອາກາດ.
ການປຶກສາ
ໂຄງການຈະໃຫ້ຄຳແນະນຳການຄົ້ນຄວ້າຢ່າງລະອຽດ ຕະຫຼອດໄລຍະເວລາໃນຄົ້ນຄວ້າ ເຊິ່ງນັກຄົ້ນຄວ້າທີ່ຖືກຮັບເລືອກຈະໄດ້ຮັບການສະໜັບສະໜູນໃນການດຳເນີນການຄົ້ນຄວ້າ ແລະ ໄດ້ຮັບຄຳປຶກສາຈາກຜູ້ປະສານງານຂອງໂຄງການ ຜ່ານການພົບປະ ແລະ ລາຍງານຄວາມຄືບໜ້າຂອງບົດຄົ້ນຄວ້າຢ່າງເປັນປົກກະຕິ.
ນັກຄົ້ນຄວ້າທີ່ໄດ້ຮັບເລືອກ ມີພັນທະຕ້ອງໄດ້ເຂົ້າຮ່ວມການເຝິກອົບຮົມທີ່ຈັດໂດຍໂຄງການຮ່ວມມືລະຫວ່າງມະຫາວິທະຍາໄລ ຢ່າງເຕັມສ່ວນ (ເຊັ່ນ ການບັນຍາຍ, ການເຝິກອົບຮົມ ແລະ ອື່ນໆ) ແລະ ຈະໄດ້ເຜີຍແຜ່ການຄົ້ນຄວ້າຂອງຕົນຕໍ່ສາທາລະນະ. ນັກຄົ້ນຄວ້າ ຍັງຕ້ອງໄດ້ສົ່ງບົດລາຍງານຄວາມຄືບໜ້າທຸກໆ ສາມເດືອນ ຕາມສັນຍາການຄົ້ນຄວ້າທີ່ໄດ້ເຊັນກັບມະຫາວິທະຍາໄລລຸກຊຳບວກ.
ການບໍລິຫານຈັດການ
ຜູ້ທິ່ຖືກຮັບເລືອກຈະໄດ້ຮັບທຶນຮອນຈຳນວນ 1 200 ເອີໂຣ ເພື່ອນຳໃຊ້ໃນການດຳເນີນການຄົ້ນຄວ້າ.
ມະຫາວິທະຍາໄລລຸກຊຳບວກ ຈະມອບທຶນດັ່ງກ່າວໃຫ້ແກ່ຄູອາຈານທີ່ໄດ້ຮັບເລືອກ ເປັນ 4 ງວດ. ການໃຫ້ທຶນຂອງມະຫາວິທະຍາໄລລຸກຊຳບວກ ແມ່ນອີງຕາມຄວາມສາມາດຂອງຜູ້ໄດ້ຮັບທຶນ ແລະ ຂຶ້ນກັບວ່ານັກຄົ້ນຄວ້າຜູ້ນັ້ນ ສາມາດປະຕິບັດຕາມເງື່ອນໄຂ ຫຼື ພັນທະທີ່ຕັ້ງໄວ້ໃນຂໍ້ຕົກລົງຂອງທຶນໄດ້ ຫຼື ບໍ່, ໂດຍສະເພາະການສົ່ງບົດລາຍງານຄວາມຄືບໜ້າ ທຸກໆ ສາມເດືອນ ໃຫ້ແກ່ຜູ້ປະສານງານຂອງໂຄງການຂອງມະຫາວິທະຍາໄລລຸກຊຳບວກ ທີ່ປະຈຳຢູ່ນະຄອນຫຼວງວຽງຈັນ.
ນັກຄົ້ນຄວ້າ ຕ້ອງຮັບຜິດຊອບໃນການບໍລິຫານທຶນຮອນທີ່ຕົນໄດ້ຮັບເອງ ໝາຍວ່າທາງໂຄງການຈະບໍ່ຮັບຜິດຊອບກໍລະນີມີຄ່າໃຊ້ຈ່າຍເພີ່ມເຕີມ ນອກເໜືອຈາກທຶນທີ່ໄດ້ມອບໃຫ້.
ຜູ້ທີ່ໄດ້ຮັບເລືອກ ແມ່ນຈະຕ້ອງດຳເນີນການຄົ້ນຄວ້າຂອງຕົນຢູ່ໃນ ສປປ ລາວ.
ຜູ້ທີ່ໄດ້ຮັບເລືອກ ຕ້ອງຮັບປະກັນວ່າ ບົດຄົ້ນຄວ້າຂອງຕົນ ສອດຄ່ອງກັບກົດລະບຽບຂອງມະຫາວິທະຍາໄລລຸກຊຳບວກ ໂດຍສະເພາະ ສອດຄ່ອງກັບຈັນຍາບັນການຄົ້ນຄວ້າ ແລະ ປາສະຈາກການລັກເອົາຜົນງານຂອງຄົນອື່ນ.
ບົດຄົ້ນຄວ້າ ແມ່ນຈະເປັນຮູບແບບຕີພິມໃສ່ເຈ້ຍ ອາດເປັນພາສາລາວ ຫຼື ພາສາອັງກິດ. ຄວາມຍາວຂອງບົດຄົ້ນຄວ້າສະບັບສຸດທ້າຍ ແມ່ນຈະເປັນໄປຕາມການສົນທະນາຕົກລົງກັບຜູ້ປະສານງານໂຄງການ. ການຄົ້ນຄວ້າ ຕ້ອງໃຫ້ສຳເລັດພາຍໃນເວລາໜຶ່ງປີ ນັບຈາກວັນທີທີ່ມີການເຊັນສັນຍາທຶນການຄົ້ນຄວ້າ ຈົນເຖິງວັນທີທີ່ຕົກລົງສົ່ງຜົນການຄົ້ນຄວ້າ.
ຜູ້ສະໝັກ ສາມາດສະໝັກຂໍທຶນ ເປັນບຸກຄົນໄດ້ເທົ່ານັ້ນ, ບໍ່ສາມາດສະໝັກ ເປັນກຸ່ມ ຫຼື ເປັນສະຖາບັນໄດ້.
ການສະໝັກ
ໃບສະໝັກ ຕ້ອງຂຽນເປັນພາສາລາວ ຫຼື ພາສາອັງກິດ ແລະ ຄວນປະກອບມີ:
- ຈົດໝາຍສະແດງເຈດຈຳນົງ ຫຼື cover letter (ຍາວບໍ່ເກີນ 2 ໜ້າເຈ້ຍ);
- ຊີວະປະຫວັດຫຍໍ້ (CV) ປະກອບມີຂໍ້ມູນຕິດຕໍ່, ປະສົບການທາງວິຊາການ (ຫຼັກສູດທີ່ສອນ, ປະສົບການການຄົ້ນຄວ້າຜ່ານມາ, ຫຼັກສູດມະຫາວິທະຍາໄລ ແລະ ອື່ນໆ);
- ບົດສະເໜີການຄົ້ນຄວ້າ (ຄວາມຍາວບໍ່ເກີນ 3 ໜ້າເຈ້ຍ) ລວມບັນນານຸກົມ. ບົດສະເໜີ ຄວນປະກອບມີຄຳອະທິບາຍກ່ຽວກັບຫົວຂໍ້ການຄົ້ນຄວ້າ (ພາກສະເໜີ), ສົມມຸດຕິຖານ, ເປົ້າໝາຍຂອງການຄົ້ນຄວ້າ, ວິທີການດຳເນີນການຄົ້ນຄວ້າ ແລະ ບັນນານຸກົມສັ້ນໆ (ບໍ່ເກີນ 15 ແຫຼ່ງອ້າງອີງ).
ກຳນົດສົ່ງໃບສະໝັກ ພາຍໃນ: ວັນທີ 28 ກຸມພາ 2022
ຜູ້ທີ່ຖືກຮັບເລືອກເບື້ອງຕົ້ນ ແມ່ນຈຳໄດ້ຜ່ານການສຳພາດກ່ອນ.
ສົ່ງໃບສະໝັກໄປທີ່ ດຣ. ເພີລີນ ຊີມອນ: perrine.simon@ext.uni.lu ແລະ ນາງ ທອງຄູນ ໄຊຍະຫົງ: thongkhoonxayyahong@gmail.com