ໃນໂມດູນ ນີ້, ທ່ານຈະໄດ້ຮຽນຮູ້ກ່ຽວກັບວິທີການອອກແບບບົດວິໄຈທາງດ້ານກົດໝາຍທີ່ດີ ເຊິ່ງຈະລົງເລິກເຖິງຂະບວນການວິໄຈໃນທາງວິທະຍາສາດໂດຍສະເພາະແມ່ນການທົບທວນເອກະສານ ໂດຍຫຼັກໆແມ່ນຈະເປັນການໃຫ້ຄຳແນະນຳທ່ານກ່ຽວກັບວິທີໃນການເລືອກເອົາຫົວຂໍ້ບົດວິໄຈທີ່ດີ ແລະ ວິທີການການກຳນົດຄຳຖາມຄົ້ນຄວ້າຂອງທ່ານໃຫ້ມີປະສິດທິພາບ.
ຫຼັກສູດອອນລາຍກ່ຽວກັບວິທີການຄົ້ນຄວ້າວິທະຍາສາດທາງດ້ານກົດໝາຍ
E-Module 1: ການອອກແບບບົດວິໄຈທາງດ້ານກົດໝາຍທີ່ດີ
E-Module 2: ການຊອກແຫຼງຂໍ້ມູນທີ່ໜ້າເຊື່ອຖື
ໃນໂມດູນ ນີ້, ທ່ານຈະໄດ້ຮຽນຮູ້ກ່ຽວກັບວິທີການຊອກແຫຼ່ງຂໍ້ມູນທີ່ໜ້າເຊື່ອຖື. ໂດຍສະເພາະແມ່ນການຮຽນຮູ້ລົງເລິກເຖິງຄວາມໝາຍຂອງ ແຫຼ່ງຂໍ້ມູນປະຖົມພູມ ແລະ ແຫຼງຂໍ້ມູນທຸຕິຍະພູມ ທີ່ນໍາໃຊ້ເຂົ້າໃນບົດວິໄຊທາງດ້ານກົດໝາຍ ລວມເຖິງການວິທີຊອກຫາແຫຼ່ງຂໍ້ມູນເຫຼົານີ້. ນອກຈາກນີ້ທ່ານຍັງຈະໄດ້ຄຳແນະນຳກ່ຽວກັບການປະເມີນຄວາມກ່ຽວຂ້ອງ ແລະ ຄວາມໜ້າເຊື່ອຖືຂອງແຫຼ່ງຂໍ້ມູນໃນອອນໄລນ໌ອີກດ້ວຍ.
E-Module 3: ວິທີການໃນການວິໄຈທາງດ້ານກົດໝາຍ
ໃນໂມດູນນີ້, ທ່ານຈະໄດ້ຮຽນຮູ້ກ່ຽວກັບວິທີການເຮັດບົດວິໄຈໃນຫຼາຍຮູບແບບ ທີ່ຈະສາມາດນໍາໃຊ້ເຂົ້າໃນການເຮັດບົດວິໄຈທາງດ້ານກົດໝາຍໄດ້. ໂດຍສະເພາະແມ່ນການຮຽນຮູ້ລົງເລິກເຖິງວິທີການວິໄຈໃນຮູບແບບພັນລະນາ, ແບບວິເຄາະ, ແລະ ແບບບັນທັດຖານ ນອກຈາກນີ້ຍັງລວມໄປເຖິງການໃຫ້ຄໍາແນະນຳໃນການເລືອກໃຊ້ວິທີການຄົ້ນຄວ້າວິໄຈທີ່ເໝາະສົມ.
E-Module 4: ການຄົ້ນຄົ້ນທາງກົດໝາຍແບບປຽບທຽບ
ໃນໂມດູນນີ້, ທ່ານຈະໄດ້ຮຽນຮູ້ກ່ຽວກັບຄວາມໝາຍ ແລະ ຈຸດປະສົງຕ່າງໆຂອງການນໍາໃຊ້ການຄົ້ນກົດໝາຍແບບປຽບທຽບຢ່າງເລິກເຊິ່ງ. ໂດຍສະເພາະແມ່ນການໃຫ້ຄຳແນະນຳທ່ານກ່ຽວກັບສິ່ງທີ່ຄວນ ແລະ ບໍ່ຄວນເຮັດເມື່ອທ່ານດຳເນີນການຄົ້ນຄົ້ນທາງກົດໝາຍແບບປຽບທຽບ.
E-Module 5: ການຄັດລອກຜົນງານຂອງຜູ້ອື່ນ ແລະ ຈັນຍາບັນທາງວິຊາການ
ໃນໂມດູນນີ້, ທ່ານຈະໄດ້ຮຽນຮູ້ກ່ຽວກັບຄວາມໝາຍຂອງການຄັດລອກຜົນງານຂອງຄົນອື່ນ ແລະ ຈັນຍາບັນທາງວິຊາການເປັນຄືແນວໃດ. ຈຸດປະສົງຫຼັກຂອງບົດຮຽນບົດນີ້ແມ່ນການໄຈ້ແຍກປະເພດຂອງການຄັກລອກຜົນງານຂອງຄົນອື່ນ ແລະ ວິທີການທີ່ທ່ານສາມາດໃຊ້ເພື່ອຫຼີກລ້ຽງການຄັດລອກຜົນງານຂອງຄົນອື່ນໂດຍການນຳໃຊ້ການອ້າງອີງເຖິງແຫຼ່ງຂໍ້ມູນຢ່າງຖືກຕ້ອງ.
E-Module 6: ການອ້າງອີງແຫຼ່ງຂໍ້ມູນ
ໃນໂມດູນນີ້, ທ່ານຈະໄດ້ຮຽນຮູ້ກ່ຽວກັບຄວາມໝາຍຂອງການອ້າງອີງຂໍ້ມູນ ແລະ ຫຼັກການສຳຄັນ ໃນການອ້າງອີງຂໍ້ມູນເຂົ້າໃນການຄົ້ນຄົ້ນຂອງທ່ານຢ່າງເໝາະສົມ. ຈຸດປະສົງຫຼັກຂອງບົດຮຽນບົດນີ້ແມ່ນການອະທິບາຍວ່າເປັນຫຍັງການອ້າງອີງແຫຼງຂໍ້ມູນຈຶ່ງມີຄວາມສຳຄັນໃນການຂຽນບົດທາງວິຊາການ ແລະ ທ່ານຈະສາມາດອ້າງຢ່າງທີ່ຖືກຕ້ອງໄດ້ແນວໃດ.
E-Module 7: ການຂຽນທາງກົດໝາຍ ແບບວິທະຍາສາດ
ໃນໂມດູນນີ້, ທ່ານຈະໄດ້ຮຽນຮູ້ກ່ຽວກັບຄວາມໝາຍຂອງການຂຽນທາງກົດໝາຍແບບວິທະຍາສາດ. ໃນບົດຮຽນບົດນີ້ແມ່ນໄດ້ອະທິບາຍລົງເລິກຖິງວິທີການອອກແບບໂຄງສ້າງຄົ້ນຄວ້າທາງດ້ານກົດໝາຍ, ໂດຍສະເພາະແມ່ນການນຳໃຊ້ວິທີການວິເຄາະແບບ IRAC. ນອກນັ້ນໃນໂມດູນບົດນີ້ຍັງໃຫ້ຄຳແນະນຳທ່ານກ່ຽວກັບການຂຽນຈຸດປະສົງຂອງບົດນຳທີ່ດີ ແລະ ພ້ອມກັບການໃຫ້ເຄັດລັບທ່ານໃນການຂຽນທາງກົດໝາຍແບບວິທະຍາສາດຢ່າງຖືກຕ້ອງອີກດ້ວຍ.