ພາຍໃຕ້ຂອບການຮ່ວມມືລະຫວ່າງໂຄງການຂອງພວກເຮົາກັບສະຖາບັນ ILSTA, ມະຫາວິທະຍາໄລລຸກຊຳບວກໄດ້ປະກອບສ່ວນໃນກອງປະຊຸມປະຈຳປີຂອງສະຖາບັນ ILSTA ຢູ່ທີ່ນະຄອນຫຼວງວຽງຈັນ ວັນທີ 11-13 ກຸມພາ 2020 ພາຍໃຕ້ຫົວຂໍ້ ອາຊະຍາກຳທີ່ມີການຈັດຕັ້ງ.
ສຈ. ສະເຕຟານ ບຣວມ ໄດ້ນຳສະເໜີບັນຍາຍໃນຫົວຂໍ້ “criminal policy ແລະ ການຫລຸດຜ່ອນການກໍ່ອາຊະຍາກຳ” ແລະ ດຣ. ເພີຣີນ ຊິມອນ ໄດ້ນຳສະເໜີໃນຫົວຂໍ້ “ຄວາມສຳຄັນຂອງຫຼັກຖານໃນການດຳເນີນຄະດີອາຍາ”.
![](https://cooperationlaos.uni.lu/wp-content/uploads/sites/170/2021/03/Perrine-presenting-1024x683.jpg)
ຜູ້ປະສານງານຍັງໄດ້ຈັດການຈຳລອງການໄຕ່ສວນ ດຳເນີນໂດຍ ຮສ. ອາແຊ ຄູດີ ຈາກປະເທດຝຣັ່ງ (ມະຫາວິທະຍາໄລ Rouen), ດຣ. ລໍເຣັ້ນ ຊີຣີ ອະດີດນັກສຶກສາປະລິນຍາເອກ ມະຫາວິທະຍາໄລລຸກຊຳບວກ ແລະ ທ່ານ ແມັກຊ ມູເລີ (ທະນາຍຄວາມ ຈາກປະເທດລຸກຊຳບວກ) ເປັນຜູ້ພິພາກສາ, ໄອຍະການ ແລະ ທະນາຍຝ່າຍຈຳເລີຍ ໃນຄະດີສົມມຸດ ສອງຄະດີ ເຊິ່ງເນັ້ນໜັກເຖິງບົດບາດຂອງຜູ້ເຂົ້າຮ່ວມໃນທີ່ປະຊຸມສານ ວ່າຄວາມຂໍ້ຫາກ່ຽວກັບການຄ້າມະນຸດ ແລະ ການຄ້າຢາເສບຕິດ/ການຟອກເງິນ. “ຜູ້ເຂົ້າຮ່ວມ” ໃນການຈຳລອງ ໄດ້ອີງຂໍ້ໂຕ້ແຍ້ງຂອງຕົນໃສ່ກົດໝາຍລາວ ແລະ ອະທິບາຍການໃຊ້ເຫດຜົນຂອງເຂົາ ໃນຊ່ວງຖາມ-ຕອບ ຫຼັງຈາກການສະແດງການຈຳລອງ.
![](https://cooperationlaos.uni.lu/wp-content/uploads/sites/170/2021/02/87011709_2723229827772806_6903676645714952192_o-1-1024x683.jpg)
![](https://cooperationlaos.uni.lu/wp-content/uploads/sites/170/2021/03/Group-photo-Perrine-Max-Hajer-Lawrence-1024x683.jpg)
ທ່ານສາມາດເຂົ້າເບິ່ງການຈຳລອງການໄຕ່ສວນດັ່ງກ່າວຕາມລິ້ງຂ້າງລຸ່ມ:
ການຈຳລອງການໄຕ່ສວນ ຄະດີການຟອກເງິນ ແລະ ການຄ້າຢາເສບຕິດ: https://youtu.be/9n229AkvBBw
ການຈຳລອງການໄຕ່ສວນ ຄະດີການຄ້າມະນຸດ: https://youtu.be/OrLoSxu-AFw