ໃນວັນທີ 23 ຫາ 26 ເມສາ 2019, ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ຮ່ວມກັບ ມະຫາວິທະຍາໄລລຸກຊຳບວກ ໄດ້ຕ້ອນຮັບ ທ່ານ ດຣ. ບາຊັກ ບາລາຍານ ໃນການເປັນສຳມະນາກອນ ໃນງານສຳມະນາ ເປັນເວລາສີ່ມື້ ໃນຫົວຂໍ້ “ກົດໝາຍສິດທິມະນຸດສາກົນ”.
![](https://cooperationlaos.uni.lu/wp-content/uploads/sites/170/2021/02/14x14-1024x768.jpg)
ດຣ. ບາຊັກ ບາລາຍານ ເປັນຜູ້ຊ່ຽວຊານຜູ້ໜຶ່ງທີ່ມີຊື່ສຽງ ແລະ ປະສົບການ ໃນຂົງເຂດສິດທິມະນຸດ ແລະ ທ່ານໄດ້ຂຽນກ່ຽວກັບສິດທິມະນຸດມາຫຼາຍສົມຄວນ, ໂດຍສະເພາະ ກ່ຽວກັບ ທຸລະກິດ ແລະ ສິດທິມະນຸດ. ທ່ານໄດ້ຈັດຊຸດບົດບັນຍາຍ ໃຫ້ແກ່ ບັນດາຄູອາຈານ 15 ທ່ານ ຈາກ ຄນລ, ສຸມໃສ່ບັນຫາທົ່ວໄປ ແລະ ສະເພາະເຈາະຈົງ ໃນຂົງເຂດຂອງກົດໝາຍສິດທິມະນຸດສາກົນ ໂດຍສະເພາະແມ່ນ ດ້ານການລົງທຶນຕ່າງປະເທດ. ຜູ້ເຂົ້າຮວ່ມທຸກຄົນ ແມ່ນມີສ່ວນຮ່ວມໃນບົດສົນທະນາ ແລະ ພ້ອມທັງໄດ້ຮັບໃບຢັ້ງຢືນໃນການເຂົ້າຮວ່ມການສຳມະນາ.
![](https://cooperationlaos.uni.lu/wp-content/uploads/sites/170/2021/02/Phiane-HR-in-ASEAN-1024x768.jpg)
ດຣ. ບາຊັກ ບາລາຍານ ຍັງໄດ້ເຊີນ ດຣ. ບົວລະພຽນ ສີສຸກ ເຊິ່ງເປັນອາຈານຢູ່ທີ່ ຄນລ ເຂົ້າຮ່ວມໃຫ້ການບັນຍາຍໃນງານສຳມະນາເຊັ່ນດຽວກັນ ເຊິ່ງເພິ່ນກໍໄດ້ບັນຍາຍໃນຫົວຂໍ້ກ່ຽວກັບ ສິດທິມະນຸດໃນກົດໝາຍຂອງອາຊຽນ.
![](https://cooperationlaos.uni.lu/wp-content/uploads/sites/170/2021/02/Discussion-1024x768.jpg)
![](https://cooperationlaos.uni.lu/wp-content/uploads/sites/170/2021/02/Basak-And-translator-Dimitri-1024x768.jpg)